Read Time:2 Minute, 55 Second
(ފޮޓޯ ކްރެޑިޓްސް: ރައީސް އޮފީސް)
ކުރިއަށް އޮތް ދެ މަހެއްހާ ދުވަސް ތެރޭގައި 550 އަށްވުރެ ގިނަ މަޝްރޫއު މުޅި ރާއްޖޭގައި ފެށިގެން ދާނެ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ. ރައީސް އޮފީހުން ކުރިއަށް ގެންދާ “ރައްޔިތުންނާ އެކު” ޕޮޑްކާސްޓުގައި ރައީސް ވިދާޅުވީ ކުރީ ސަރުކާރުން ފެށި އަދި މިހާރު ހުށްޓިފައިވާ ބައެއް މަޝްރޫތަކާއި އަލަށް ފަށާ ބައެއް މަޝްރޫތަކުގެ މަސައްކަތް ވަރަށް އަވަހަށް ފެށިގެންދާނެ ކަމަށެވެ. މަޝްރޫއުތައް އެކި ފަރާތްތަކާއި ހަވާލު ކުރެވެމުން އަންނަ އިރު ކުރިއަށް އޮތް ދެ މަހެއްހާ ދުވަހުގެ ތެރޭގައި 550 އަށްވުރެ ގިނަ މަޝްރޫއުގެ މަސައްކަތް ފެށިގެންދާނެ ކަމަށް ރައީސް ވިދާޅުވިއެވެ. އަދި އެ މަސައްކަތްތައް ބާރު ސްޕީޑުގައި ކުރިއަށް ދާނެ ކަމަށް ވިދާޅުވިއެވެ.
“ކުރިއަށް އޮތް ދެ އަހަރު ދުވަހުގެ ތެރޭގައި ރާއްޖޭގެ ހުރިހާ ރަށެއްގައި ކުޑަކުދިންގެ ޕާކްތައް ވެސް ތަރައްގީ ކުރެވޭނެ. ކުޅިވަރުގެ ވަސީލަތްތައް ހިމެނޭހެން ކޮންމެ ރަށެއްގައި ދެ އަހަރު ދުވަހުގެ ތެރޭގައި ފިޓްނަސް ސެންޓަރު ތަރައްގީ ކުރެވޭނެ.”، ރައީސް ވިދާޅުވިއެވެ. ހުރިހާ މަޝްރޫތަކެއްގެ މަސައްކަތް ވަރަށް ބާރަށް ކުރިއަށް ދާނެ ކަމަށާއި ރައްޔިތުންނަށް ފެނިގެން ދާނީ ރައްޔިތުންނަށް ބޭނުންވާ ކަންކަން އިގްތިސާދު މެނޭޖް ކުރަމުން، ރައްޔިތުންނަށް މިކަންކަމުގައި ލުއިތައް ދެމުންދާ ތަން ކަމަށް ރައީސް ވިދާޅުވިއެވެ.
އަދި ވިދާޅުވީ މި އަހަރާއި އަންނަ އަހަރު ވެގެން ދާނީ ރާއްޖޭގައި ތަަރައްގީގެ ގިނަ މަޝްރޫއުތަކެއް ފެށިގެން ކުރިއަށްދާނެ ދެ އަހަރަށް ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0