Read Time:2 Minute, 58 Second
(ފޮޓޯ ކްރެޑިޓްސް: ވަގުތު)
މަޝްހޫރު ފުޓްބޯޅަ ކޯޗް، އިހްސާން އަބްދުލް ޣަނީ (ސާންތީ) ގެ ހަނދާނުގައި ތައުޒިޔާގެ ދަފްތަރެއް ހުޅުވައިފިއެވެ. ގަލޮޅު ދަނޑުގައި ބޭއްވި ރަސްމިއްޔާތެއްގައި ތައުޒިޔާގެ އެ ދަފްތަރު ފައްޓަވައި ދެއްވީ ސްޕޯޓްސް މިނިސްޓަރު އަބްދުﷲ ރާފިއުއެވެ. އެފްއޭއެމްގެ ނޯމަލައިޒިން ކޮމިޓީގެ ޗެއާމަން އަހްމަދު މުއިއްޒާއި މޯލްޑިވްސް އޮލިމްޕިކް ކޮމިޓީގެ ރައީސް މުހައްމަދު އަބްދުލް ސައްތާރު ވެސް އެ ރަސްމިއްޔާތުގައި ބައިވެރިވެވަޑައިގެންނެވިއެވެ.
(ފޮޓޯ ކްރެޑިޓްސް: ވަގުތު)
އެ ރަސްމިއްޔާތުގައި ވާހަކަފުޅުދައްކަވަމުން މިނިސްޓަރު ވިދާޅުވީ، ސާންތީ ވަކިވެގެން ދިޔުމަކީ ރާއްޖޭގެ ފުޓްބޯޅައަށް ލިބިގެންދިޔަ އުނިކަމެއް ކަމަށެވެ. ތައުޒިޔާގެ ދަފުތަރުގައި ސޮއިކުރުން މިއަދުން ފެށިގެން އަންނަ މަހުގެ ފަސްވަނަ ދުވަހާއި ހަމައަށް ކުރިއަށް ދާނެ ކަމަށް ސްޕޯޓްސް މިނިސްޓްރީން ވިދާޅުވެއެވެ. އެ ދަފްތަރުގައި ސޮއިކުރުން އޮންނާނީ ހެންވޭރު ބޯޅަ ދަނޑުގައެވެ.
(ފޮޓޯ ކްރެޑިޓްސް: ވަގުތު)
ސާންތި ނިޔާވެފައިވަނީ މިދިޔަ ހޮނިހިރު ދުވަހުގެ ރޭ ކެންސަރުގެ ބައްޔަށް ފަރުވާ ހޯދަމުންދަނިކޮށް ޓްރީޓޮޕް ހޮސްޕިޓަލުގައެވެ. އެންމެ ފުރަތަމަ ރާއްޖެއިން 2008 ވަނަ އަހަރު ސާފް ޗެމްޕިއަންޝިޕް ކާމިޔާބު ކުރިއިރު ރާއްޖޭގެ އެސިސްޓެންޓު ކޯޗުގެ މަގާމުވެސް އަދާކޮށްފައިވާ ސާންތި ކޯޗުވަނީ ދާދި ފަހުން ބޭއްވި އެފްއޭއެމް ޔޫތް ލީގުގެ ޑިރެކްޓަރުގެ މަގާމުވެސް އަދާކޮށްފައެވެ. އަދި މީގެ އިތުރުން އެކި އުމުރުފުރާ ތަކުގެ ގައުމީ ޓީމަށްވެސް ސާންތީ ކޯޗު ވަނީ އެކި ގޮތް ގޮތުން އެހީތެރިކަން ދީފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0