Read Time:2 Minute, 24 Second
(ފޮޓޯ ކްރެޑިޓްސް: އިސްލާމިކް މިނިސްޓްރީ)
މިއަހަރުގެ ފިޠުރު ޒަކާތުގެ ގޮތުގައި ގޮވާމުން ބަލައިގަނެފައިވާ ތަކެތި ފަޤީރުންނާއި މިސްކީނުންނަށް މާދަމާ ދޫކުރަން ފަށާނެ ކަމަށް ޒަކާތު ހައުސް އިން ވިދާޅުވެއްޖެއެވެ. މޯލްޑިވިސް ޒަކާތު ހައުސް އިން ވިދާޅުވީ މިއަހަރު ފިތުރު ޒަކާތުގެ ގޮތުގައި މާލެ ސިޓީން ބަލައިގަނެފައިވާ ގޮވާމުގެ ބާވަތްތައް ބެހުމުގެ މަސައްކަތް އިސްކަންދަރު ސްކޫލްގައި ފެށިގެން ކުރިއަށްދާ ކަމަށެވެ. އެ ތަކެތި ބެހުމަށް ހަމަޖެހިފައިވަނީ މާލެ ސިޓީގެ ފަޤީރުންނާއި މިސްކީނުންގެ ދަފްތަރުގައި ރަޖިސްޓްރީވެފައިވާ ފަރާތްތަކަށެވެ.
ފިޠުރު ޒަކާތުގެ ގޮތުގައި ލިބިފައިވާ ގޮވާމުގެ ބާވަތްތައް ބެހުމަށް ޒަކާތު ހައުސް އިން ހަމަޖެހިފައިވާ ގަޑިތައް:
- 28 މާރިޗު: 14:00 އިން 16:30 އަދި 21:30 އިން 23:00އަށް
- 29 މާރިޗު: 10:00 އިން 12:00 އަދި 13:00 އިން 15:00 އަދި 16:00 އިން 17:00 އަށް
މާލެ ސަހަރައްދުގައި ގޮވާމުގެ ބާވަތްތަކުން ފިތުރު ޒަކާތުގެ ގޮތުގައި ބަލައިގަތް ތަކެތި މާދަމާ ދޫކުރަން ހަމަޖެހިފައިވާއިރު، އަތޮޅު ތެރޭގައި ގޮވާމުން ފިޠުރު ޒަކާތް ބަލައިގަތުން އެ ރަށެއްގެ ކައުންސިލް އިދާރާއިން ހަމަޖައްސާ ގޮތެއްގެ މަތިން ބަލައިގަނެ ފަޤީރުންނާއި މިސްކީނުންގެ ދަފްތަރުގައިވާ ފަރާތްތަކަށް ބެހުމަށް ވަނީ ހުއްދަދީފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0