Read Time:3 Minute, 59 Second
މި އަހަރުގެ ފިތުރު އީދު ވާނީ މި މަހުގެ 31 ވަނަ ދުވަހަށް ކަމަށް އިލްމުވެރިޔާ އަދި ގައުމީ ޔުނިވާސިޓީގެ ވައިސް ޗާންސިލާ ޑރ. ހަސަން ހަމީދު ވިދާޅުވެއްޖެއެވެ. ހަސަން ހަމީދު އެހެން ވިދާޅުވެފައިވަނީ ހަނދު ބަލާގޮތް ތަފްސީލްކުރައްވައި އެ ބޭފުޅާގެ ލިޔުންތައް ޝާއިއުކުރާ ހާއްސަ ވެބްސައިޓެއްގައި ޝާއިއުކުރި ލިޔުމެއްގައެވެ. އޭނާ ވިދާޅުވެފައިވަނީ ފިތުރު އީދުގެ ހަނދު ފެންނަ ދުވަސް ބެލުމަށް އެންމެ ފުރަތަމަ ކުރަންޖެހޭނެ ކަމަކީ، އެ ހަނދު އުފަންވާ ވަގުތު ބެލުން ކަމަށެވެ. މިއީ ފޮތްފޮތުން ބަލައިގެން ނުވަތަ މިޒަމާނުގައި، އިންޓާނެޓުން ފަސޭހައިން ބެލޭނޭ ކަމެއް ކަމަށް ވަނީ ވިދާޅުވެފައެވެ.
ހަސަން ހަމީދު ވަނީ އެކި ވެބްސައިޓްތަކުން ހަނދު އަރާނެ ގަޑިތައް ވެސް އެ ލިޔުމުގެ ހިމަނާފައެވެ. އެގޮތުން 29 މާޗްގައި ރާއްޖޭގެ ގަޑި ހުންނަނީ ޔުނިވާސަލް ޓައިމްއަށް ވުރެ ފަސް ގަޑިއިރު ކުރީގައި ކަމަށާއި އެހެންކަމުން ހަނދު އުފަންވާނީ މާލޭ ގަޑިން 15:57 ގައި ކަމަށް ވަނީ ވިދާޅުވެފައެވެ. އެލިޔުމުގައި ހަސަން ހަމީދު އާންމުކޮށްފައިވާ ޗާޓުގައި ފާހަގަ ކޮށްފައިވަނީ އޭޝިއާގެ އެއްވެސް ގައުމަކަށް ހަނދު ނުފެންނާނެ ކަމަށެވެ. އެހެންކަމުން މުޅި އޭޝިއާގެ ބައްރަށް 29 މާޗްގައި ހަނދެއް ނުފެންނާނެ ކަމަށާއި ފެނުމުގެ ފުރުސަތު އޮތީ ހަމައެކަނި އެމެރިކާގެ ހުޅަނގު ބިތަށް ކަމަށް ވިދާޅުވެފައިވެއެވެ.
އެ ހިސާބު އޭނާ ވަނީ މައްކާއަށް ވެސް ހަދާފައެވެ. އެގޮތުން ހަނދު އުފަންވުމާއި އޮއްސުމާ ދެމެދު ވާނީ ގާތްގަޑަކަށް ހަތަރު ގަޑިއިރު ކަމަށާއި އެހާ ޅަ ހަނދެއް، މައްކާގެ އުޑުމަތި ކިތަންމެ ސާފު ވިއަސް ނުފެންނާނެ ކަމަށް ވިދާޅުވެފައިވެއެވެ. ފުރޭފުކުރެވިފައިވާ އެއްވެސް ލިޔުމެއްގައި ފެނިފައިވާ ކަމަކަށް ވެސް ނުވާ ކަމަށް ވިދާޅުވެފައިވެއެވެ. އެހެންކަމުން މާޗް މަހުގެ 30 ވަނަ ދުވަސް އީދަށް ނުވާނެ ކަމަށާއި ފިތުރު އީދު ދުވަހަށް ވާނީ މާޗް މަހުގެ 31 ވަނަ ދުވަސް ކަމަށް ހަސަން ހަމީދު ވަނީ ވިދާޅުވެފައެވެ. ޑރ. ހަސަން ހަމީދު އެފަދައިން ވިދާޅުވެފައިވާއިރު، ކުރީގެ ރައީސް، މައުމޫން އަބްދުލްގައްޔޫމް ވިދާޅުވީ، މިއަހަރުގެ ފިތުރު އީދު ވާނީ މިމަހުގެ 30 ވާ އާދިއްތަ ދުވަހަށް ކަމަށް ވަރަށް ބޮޑަށް ޔަގީން ކުރެވޭ ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0