ވަޤުފް އިމާރާތް އެޅުމަށް މާލެއިން ބިމެއް ވާނީ ހަމަޖައްސާފައި: ރައީސް

Read Time:3 Minute, 59 Second

(ފޮޓޯ ކްރެޑިޓްސް: ވަގުތު)

ކީރިތި ޤުރުއާނާ ބެހޭ ވަޤުފް އިމާރާތް އެޅުމަށް މާލެއިން މިހާރު ބިމެއް ހަމަޖައްސަވާފައިވާ ކަމަށް ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ވިދާޅުވެއްޖެއެވެ. ރައީސުލްޖުމްހޫރިއްޔާ މިހެން ވިދާޅުވީ ކީރިތި ޤުރުއާން ހިތުދަސްކޮށްފައިވާ ޙާފިޡުން ދަސްވެނިވުން ފުރަތަމަ ފަހަރަށް ފާހަގަކުރައްވައި، ސަނަދު ދެއްވުމަށް ބޭއްވި ޖަލްސާގައި ވާހަކަފުޅު ދައްކަވަމުންނެވެ. ކީރިތި ޤުރުއާނާ ބެހޭ ޚާއްސަ ވަޤުފް އިމާރާތެއް ހަމަޖެއްސުމުގެ މަސައްކަތް ފަހު 10ގެ ތެރޭގައި ކުރައްވާފައިވާކަން ފާހަގަކުރައްވާ ރައީސް ވިދާޅުވީ އެކަމަށް މިހާރު މާލެއިން ބިމެއް ހަމަޖައްސާފައިވާ ކަމަށާއި، ސަރުކާރު ހުޅުވޭތަނުން އެކަމާއި ބެހޭ ސިިޓީ އިސްލާމިކް މިނިސްޓްރީއަށް ފޮނުވާނެ ކަމަށެވެ.

ރައީސް ވިދާޅުވީ މި ވަޤުފް އިމާރާތް އެޅިގެން ދިއުމުން ވެގެންދާނީ ފިކުރީ އަދި ހުރިހާ މާނައެއްގައިވެސް މުހިންމު އިންވެސްޓްމަންޓަކަށް ކަމަށާއި އޭގެ ފުރިހަމަ ނަތީޖާ ކުރިއަށް އޮތްތަނުގައި ރައްޔިތުންނަށް ލިބިގެންދާނެ ކަމަށެވެ. ޙާފިޡުން ދަސްވެނުވުމުން އެކަމާއި ގުޅޭގޮތުން ރައީސް ވިދާޅުވީ 24 ހާފިޒުން ދަސްވެނިވުމަކީ ޤައުމު ފަޚުރުވެރިވާންޖެހޭ ކަމެއް ނަމަވެސް ސައްތައިން ސައްތަ އިސްލާމީ ޤައުމެއްގައި އުއްމީދުތައް ހުންނަން ޖެހޭނީ މިއަށްވުރެ މަތީގައި ކަމަށެވެ. ޤައުމުގައި އިސްލާމް ދީނަށް ނަސްރުދިނުމަށްޓަކައި ކުރެވޭ ކޮންމެ މަސައްކަތަކުން ނުކުންނާނީ ހެޔޮ ނަތީޖާ ކަމަށް ރައީސް ވިދާޅުވިއެވެ.

“މިސަރުކާރުގެ އެންމެ ފަޚުރުވެރި މަތިވެރި ޒިންމާއެއްގެ ގޮތުގައި ދެކެނީ އަދި އަމަލީ ގޮތުންވެސް ކަންކަން ބައްޓަންވެފައި އޮންނާނީ އިސްލާމް ދީނަށް ނަސްރުދިނުމުގައި. އެއަށްވުރެ އިސްކަން ދޭނެ ސިޔާސަތެއް މިސަރުކާރުގަ ނޯންނާނެ. މިގައުމުގައި އިސްލާމީ ކަންކަން ކުރިއަށް ގެންދިއުމުގައި އެންމެން ގުޅިގެން މަސައްކަތްތަކެއް ކުރުމަކީ މިފަދަ ރެއެއްގައި ވަރަށް ބޮޑަށް އަޒުމް އައުކުރަން ޖެހޭ ކަމެއް” ރައީސް ވިދާޅުވިއެވެ. ރައީސް ވަނީ ސައްތައިން ސައްތަ އިސްލާމީ ޤައުމެއްގައި އިތުރު ޙާފިޡުން ނެރުމަށް އެންމެން ގުޅިގެން މަސައްކަތް ކުރުމަށް އެދިވަޑައިގެންފައެވެ.