Read Time:2 Minute, 57 Second
(ފޮޓޯ ކްރެޑިޓްސް: ވަގުތު)
ދައުލަތުގެ ބަޖެޓަށް ބަރޯސާނުވެ މަދުވެގެން އަހަރަކު 100 މިލިޔަން ރުފިޔާއަށް އަރާވަރަށް އައުޤާފް އިންވެސްޓްމަންޓްތައް ފުޅާކޮށް މަޝްރޫޢުތައް ކުރިއަށްގެންދިޔުމަކީ އަމާޒެއްކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ. މިނިސްޓަރު މިފަދައިން ވިދާޅުވީ ކީރިތި ގުރުއާން ހިތުދަސްކުރާ ހާފިޒުންނަށް، ހާފިޒްކަމުގެ ސަނަދު އެރުވުމަށް މުޅިން އަލަށް ބޭއްވި ދަސްވެނިވުމުގެ ޝަރަފްވެރި ޖަލްސާގައި ވާހަކަ ދައްކަވަމުންނެވެ. މިނިސްޓަރު ވިދާޅުވީ ރަމަޟާން މަސް ނިމުމަށްފަހު ބޮޑު ދެ މަޝްރޫއެއް ފެށުމަށް ތައްޔާރުވަމުން އަންނަކަމަށާއި އެމަސައްކަތް ކުރިއަށް ގެންދިޔުމަށްޓަކައި ބީއެމްއެލް ފައިނޭންސް ހަމަޖެހިފައިވާ ކަމަށެވެ.
މަޝްރޫޢުތައް ފުރިހަމަވުމުން 2045 ވަނަ އަހަރާ ހަމައަށް ކޮންމެ އަހަރަކު 12 މިލިޔަން ރުފިޔާ އިސްލާމީ ވަޤުފު ފަންޑަށް ޖަމާވަމުން ދާނެ ކަމަށާއި 2045 ވަނަ އަހަރުގެ ފަހުން ކޮންމެ އަހަރަކު 70 ވަރަކަށް މިލިޔަން ރުފިޔާ އިސްލާމީ ފަންޑަށް ވަންނާނެ ކަމަށް ޑރ. ޝަހީމް ވިދާޅުވިއެވެ. މާލޭގައި މިހާރުވެސް ވަޤުފް އިމާރާތެއް ހުރެއެވެ. ވަގުފު ފަންޑު މުއްސަނދި ކުރުމުގެ ގޮތުން ކުރީގެ ރައީސް އަބްދުﷲ ޔާމީންގެ ވެރިކަމުގައި އިމާރާތް ކުރި (ދާރުލްއީމާން) ބޭނުންކުރަން ފެށީ 2016 ވަނަ އަހަރު އެވެ.
އެ ތަނުން އަހަރަކު ހަ މިލިއަނެއްހާ ރުފިޔާ ފަންޑަށް ވަންނަ ކަމަށްވެސް ވަޒީރު ޑރ. ޝަހީމް ވިދާޅުވިއެވެ. އަދި މިފައިސާ ހަރަދު ކުރަމުން ދަނީ މިސްކިތްތައް މަރާމާތުކުރުމާއި ހާލަތު ރަނގަޅު ކުރުމަށް ކަމަށްވެސް ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0