Read Time:2 Minute, 6 Second
ސައުދީ އަރަބިއްޔާގެ މައްކާގައި ހުންނަ މާތް ވެގެންވާ ހަރަމްފުޅަށް ރޭ އަޅުކަމަށް ދިޔަ މީހުންގެ އަދަދު 3.4 މިލިއަނަށް އަރައިފިއެވެ. ސައުދީގެ ނޫހެއް ކަމަށްވާ “ސައުދީ ގެޒެޓް” ގައި ރިޕޯޓްކޮށްފައިވާ ގޮތުގައި ލައިލަތުން ގަދްރި ކަމަށް ގިނަ ބަޔަކު ގަބޫލު ކުރާ ރޭ ކަމަށްވާ ރޯދަ މަހުގެ 27 ވަނަ ވިލޭރޭ ހަރަމްފުޅު އޮތީ ފުރިފައެވެ. އެގޮތުން 3.4 މިލިއަނެއްހާ އުމުރާވެރިން ރޭގައި އަޅުކަން ކުރުމަށް އެ ސަރަހައްދަށް ޖަމާވި ކަމަށް ރިޕޯޓްކޮށްފައިވެއެވެ.
ހަރަމްފުޅުގެ އެތެރެ ފުރި ބާރުވެގެން އެ ސަރަހައްދުގެ މަގުތަކުގައި ވެސް މީހުން ތޮއްޖެހިގެން ތޮއާފްކުރަމުން ދިޔަ ކަމަށް ރިޕޯޓްކޮށްފައިވެއެވެ. ރޭގައި އިޝާނަމާދަށް ފަހު ގިނަ ބަޔަކު ތަރާވީހުގައި ވެސް ބައިވެރިވި ކަމަށާއި އެ ސަރަހައްދަށް ރޭގައި ތުނިކޮށް ވާރޭވެހުނު ކަމަށް ވެސް އެ ނޫހުގައިވެއެވެ. އަދި އަޅުކަމަށް ތިބި ފަރާތްތަކުގެ މޫނުމަތިން ފެނިގެން ދިޔައީ އުފާވެރިކަމާއި ކަރުނަ ކަމަށް ވެސް ބުނެފައިވެއެވެ.
ހަރަމްފުޅުގެ އިތުރުން ރޭގައި މަސްޖިދުލް ނަބަވީއަށް ވެސް ގިނަ ބަޔަކު ވަނީ ރޭ އަޅުކަން ކުރުމަށް ޖަމާވެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0