Read Time:3 Minute, 9 Second

(ފޮޓޯ ކްރެޑިޓްސް: ސިޑިބަރި)

 

 

ސިންގަޕޫރުގައި މިހާރު ކުރިއަށްދާ ފީބާ 3 އޮން 3 އޭޝިއަން ކަޕް ކޮލިފައިންގައި ރާއްޖޭ އަންހެން ޓީމާއި ފިރިހެން ޓީމް ކުޅުނު މެޗުތަކުން ބަލިވެއްޖެއެވެ.

 

 

މި މުބާރާތުގައި ރާއްޖޭގެ އަންހެން ޓީމު ދެ މެޗެއް ކުޅެފައިވާއިރު، ރާއްޖޭގެ ފިރިހެން ޓީމުން ވަނީ އެއް މެޗު ކުޅެފައެވެ. މި މުބާރާތުގައި ވާދަކުރާ ރާއްޖޭގެ އަންހެން ޓީމުގައި ހިމެނެނީ އައިމިނަތު ޝިއުރާ އަބްދުލް ބާރީ އާއި ރައިފާ އިބްރާހިމް އާއި ޒުހާ އަޝްރަފް އަދި އައިޝަތު އިނާޝާއެވެ.

 

 

(ފޮޓޯ ކްރެޑިޓްސް: ސިޑިބަރި)

 

 

ކޮލިފައިންގައި ވާދަކުރާ ގައުމީ ފިރިހެން ޓީމުގައި ހިމެނެނީ މުހައްމަދު ހުވައިދު އަލީ އާއި އިސްމާއިލް ވިލްދާން ޔޫސުފް އާއި މަފާޒު މުހައްމަދު އަދި އަބްދުﷲ އަމްޒަރު މުހައްމަދެވެ. މި މުބާރާތުގައި ރާއްޖޭގެ އަންހެން ޓީމުން ފުރަތަމަ ވާދަކޮށްފައިވަނީ ކަޒަކިސްތާންއާއެވެ. މި މެޗު ކަޒަކިސްތާނުން ކާމިޔާބުކޮށްފައިވަނީ 21-2ގެ ސްކޯއަކުންނެވެ. އަދި ދެވަނަ މެޗުގައި ގައުމީ އަންހެން ޓީމުން ވާދަކޮށްފައިވަނީ ވިއެޓްނާމާ ދެކޮޅަށެވެ. މި މެޗު 21-8 ޕޮއިންޓުން ކާމިޔާބު ކުރީ ވިއެޓްނާމްއެވެ.

 

 

3 އޮން 3 އޭޝިއަން ކަޕް ކޮލިފައިންގައި ރާއްޖޭގެ ފިރިހެން ޓީމު މިއަދު ވާދަކޮށްފައިވަނީ އިރާން އާ ދެކޮޅަށެވެ. މި މެޗު 21-9 ޕޮއިންޓުން ކާމިޔާބުކޮށްފައިވަނީ އިރާންއެވެ. މި މުބާރާތުގައި މިއަދުވެސް ރާއްޖޭގެ ޓީމުތައް ވާދަކުރާނެއެވެ. މިގޮތުން ރާއްޖޭގެ އަންހެން ޓީމުން މިއަދު ނިކުންނާނީ އިރާން އާއި ދެކޮޅަށެވެ. އަދި ފިރިހެން ޓީމުން ފުރަތަމަ މެޗުގައި ޕަޕުއާ ނިއުގިނީއާ ދެކޮޅަށް ނިކުންނައިރު، މިއަދުގެ ދެވަނަ މެޗުގައި ރާއްޖޭގެ ފިރިހެން ޓީމުން ނިކުންނާނީ ކަޒަކިސްތާނާއި ދެކޮޅަށެވެ.

About Post Author

މާދަމާ ނިއުސް

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %