Read Time:3 Minute, 33 Second
ފީފާ ވޯލްޑް ކަޕް ކޮލިފައިންގައި އުޒްބަކިސްތާން އާ ވާދަކުރި މެޗު އެއްވަރުކޮށް އިރާނުން 2026 ވަނަ އަހަރުގެ ވޯލްޑް ކަޕަށް ކޮލިފައިވެއްޖެއެވެ. ފީފާ ވޯލްޑް ކަޕް އޭޝިއާ ގުރޫޕް އޭގައި އުޒްބަކިސްތާން އާއި އިރާން ވާދަކުރި މެޗު ނިމިގެން ގޮސްފައިވަނީ 2-2ގެ ނަތީޖާ އަކުން އެއްވަރުވެގެންނެވެ. އިރާން ވަނީ ގުރޫޕް އޭގައި ކުޅުނު އަށް މެޗުން 20 ޕޮއިންޓް ހޯދައިގެން ގުރޫޕުގެ އެއްވަނަ ހޯދާފައެވެ. ދެވަނައިގައި އޮތް އުޒްބަކިސްތާން އަށް ލިބިފައިވަނީ 17 ޕޮއިންޓެވެ. އިރާންގެ ތެރެހާންގައި ކުޅުނު މި މެޗުގައި ފުރަތަމަ ގޯލެއް ކާމިޔާބުކޮށް މެޗުގެ ލީޑު ނަގާފައިވަނީ އުޒްބަކިސްތާނުންނެވެ. މެޗުގެ 16 ވަނަ މިނެޓުގައި އުޒްބަކިސްތާންއަށް މި ގޯލު ކާމިޔާބުކޮށްދީފައިވަނީ ހޮޒިމަޓް އެރްކިނޯވްއެވެ.
މި ގޯލަށް ފަހުވެސް މި މެޗުގެ ފުރަތަމަ ހާފުގައި އުޒްބަކިސްތާން އަށް ގޯލު ޖަހާނެ ފުރުސަތުތަކެއް ލިބިގެން ދިޔަ ނަމަވެސް އިތުރު ގޯލެއް ކާމިޔާބު ނުކުރެވި މި ހާފު ނިމިގެން ދިޔައީ 1-0ގެ ނަތީޖާ އަކުން އުޒްބަކިސްތާން ކުރީގައި އޮވެގެންނެވެ. މެޗުގެ ފުރަތަމަ ހާފުގައި އުޒްބަކިސްތާނުން ގޯލެއް ކާމިޔާބުކޮށް މެޗުގެ ލީޑު ނެގިނަމަވެސް މެޗުގެ ދެވަނަ ހާފު ފަށައިގެން އިރާނުން ވަނީ ގޯލެއް ކާމިޔާބުކޮށް މެޗުގެ ނަތީޖާ ހަމަހަމަކޮށްފައެވެ. މި ގޯލު އިރާނަށް ކާމިޔާބުކޮށްދީފައިވަނީ މެހްދީ ތެރެމީއެވެ.
އިރާނުން މެޗުގެ ނަތީޖާ ހަމަކުރިތާ ދެ މިނެޓު ފަހުން އުޒްބަކިސްތާނުން ވަނީ ގޯލެއް ކާމިޔާބުކޮށް ދެވަނަ ފަހަރަށް މެޗުގެ ލީޑު ނަގާފައެވެ. މި ގޯލު އެ ޓީމަށް ކާމިޔާބުކޮށްދީފައިވަނީ އައްބޮސްބެކް ފޭޒުއްލައިއެވެ. އުޒްބަކިސްތާނުން ދެވަނަ ފަހަރަށް މެޗުގެ ލީޑު ނަގާފައިވަނިކޮށް މެޗުގެ 83 ވަނަ މިނެޓުގައި އިރާނުން ވަނީ ގޯލެއް ކާމިޔާބުކޮށް މެޗުގެ ނަތީޖާ ހަމަހަމަކޮށްފައެވެ. މި ގޯލު އެ ޓީމަށް ކާމިޔާބުކޮށްދީފައިވަނީވެސް ފުރަތަމަ ގޯލު އެ ޓީމަށް ކާމިޔާބުކޮށްދީން މެހްދީ ތެރެމީއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0