Read Time:3 Minute, 12 Second
އަންނަ އަހަރު ބާއްވާ ފީފާ ވޯލްޑް ކަޕަށް ކޮލިފައި ވާނެކަމުގެ އުންމީދު އަދިވެސް އެބައޮތް ކަމަށް ޗައިނާގެ ކޯޗު ބްރަންކޯ އިވަންކޮވިޗް ބުނެފިއެވެ. ޗައިނާ އެންމެ ފަހުން ކުޅުނު ދެ މެޗުން ބަލިވުމާއެކު އެ ގައުމުގެ މީޑިއާ ތަކުން ގައުމީ ޓީމަށް އަމާޒުކުރަމުންދާ ފާޑުކިއުންތަކަށް ރައްދުދެމުން ކޯޗު ބުނެފައިވަނީ ޗައިނާއަށް އަދި ވޯލްޑް ކަޕް ނުގެއްލޭ ކަމަށެވެ. ވޯލްޑް ކަޕަށް ކޮލިފައި ވުމުގެ އުންމީދު އަދިވެސް އެބައޮތް ކަމަށް ކޯޗު ބްރަންކޯ ވަނީ ބުނެފައެވެ.
ޗައިނާ އެންމެ ފަހުން މިދިޔަ ހަފްތާގައި ސައުދީ އަރަބިއްޔާ އާ ދެކޮޅަށް ކުޅުނު މެޗުން 1-0 ގެ ނަތީޖާ އަކުން ބަލިވެފައިވާއިރު، މިދިޔަ އަންގާރަ ދުވަހު އޮސްޓްރޭލިއާ އާ ދެކޮޅަށް ކުޅުނު މެޗުން 2-0ގެ ނަތީޖާ އަކުން ވަނީ ބަލިވެފައެވެ. މި ދެ މެޗުން ބަލިވެ ކޮލިފައިން ގުރޫޕްގެ އެންމެ ފުލުގައި އޮތް ޗައިނާއަށް މީޑިއާގައި އަންނަނީ ބޮޑެތި ފާޑުކިއުންތަކެއް އަމާޒު ވަމުންނެވެ. އެގޮތުން ޗައިނާ އިން ވޯލްޑް ކަޕަށް ދެކޭ ހުވަފެނަކީ ބިލާހެއް ކަމަށާއި އެކަން ހާސިލު ނުވާނެ ކަމަށްވެސް މީޑިއާތަކުން ވަނީ ރިޕޯޓު ކޮށްފައެވެ.
މި ހުރިހާ ވާހަކައަކަށް ރައްދު ދެމުން ކޯޗު ބުނެފައިވަނީ ޓީމު ކުރަމުން އަންނަ އުންމީދު ކަނޑާ ނުލާކަމަށާއި، ހާސިލް ކުރަން ބޭނުންވާ ނަތީޖާ ހޯދުމަށް އަދިވެސް ހިތްވަރު ކުރާނެ ކަމަށެވެ. ވޯލްޑް ކަޕް ކޮލިފައިންގައި ޗައިނާ އޮތީ އޭޝިއާ ބައްރުގެ ގުރޫޕް ސީގެ އެންމެ ފުލުގައެވެ. ވޯލްޑްކަޕް ކޮލިފައިންގެ ތިން ވަނަ ބުރުގައި އޭޝިއާ ބައްރުގެ ތިން ގުރޫޕަކަށް ބަހާލާފައިވާއިރު، ކޮންމެ ގުރޫޕެއްގެ ވެސް އެއްވަނަ އަދި ދެވަނަ ވޯލްޑް ކަޕަށް ކޮލިފައިވާއިރު، ތިން ވަނައަށްްދާ ޓީމެއް އަލުން ޖެހޭނީ ކޮލިފައިންގެ ހަތަރު ވަަނަ ބުރެއްގައި ކުޅޭށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0