Read Time:2 Minute, 52 Second
(ފޮޓޯ ކްރެޑިޓްސް: ރައީސް އޮފީސް)
ނޮވެމްބަރު 3ގެ ޝަހީދުންނާއި އެ ހާދިސާގައި ދެއްކި އާދަޔާ ހިލާފު ހިތްވަރަށް ޝަރަފު ލިބިފައިވާ ބޭފުޅުންނަށް އާއިލާތަކަށް ދައުލަތުން އިނާޔަތެއް ދޭން ނިންމައިފިއެވެ. ޑިފެންސް މިނިސްޓްރީން މިއަދު ވިދާޅުވީ، ނޮވެމްބަރު 3 ގެ އުދުވާނީ ހަމަލާގައި ޝަހީދުވި މީހުންގެ އާއިލާތަކަށާއި އެ ދުވަހު އާދަޔާ ހިލާފު ސާބިތުކަމާއި ހިތްވަރުގެ ސަބަބުން ޝަރަފުގެ ނިޝާން ލިބިފައިވާ ބޭފުޅުންނަށް ދައުލަތުން އިނާޔަތް ދިނުމާ ގުޅޭ އުސޫލުތައް އެކުލަވާލައި މިހާރު ގެޒެޓްކޮށްފައިވާ ކަމަށެވެ. އަދި އެއީ ރައީސް ޑރ. މުހައްމަދު މުއިއްޒުގެ ވައުދުފުޅެއްކަން ފާހަގަކުރެއްވިއެވެ.
އުސޫލުގައިވާ ގޮތުން ޝަހީދުންގެ އާއިލާ ކަމަށް ބަލާނީ އެ ބޭފުޅެއްގެ މައިންބަފައިންނާއި އުފަން ދަރީންނާއި ހުވަފަތް އަނބިމީހާއެވެ. އެ އެންމެންނަށް ދުނިޔޭގައި ދިރިހުރިހާ ހިނދަކު ކޮން މީހަކަށް މަހަކު 9000 ރުފިޔާ ލިބޭނެ ކަމަށް އުސޫލުގައިވެއެވެ. އޭގެ އިތުރުން، ހުރަވީ ރަން މެޑަލް ލިބިވަޑައިގެންފައިވާ ބޭފުޅުންނަށް 9000 ރުފިޔާ، ހުރަވީ ރިހި މެޑަލް ލިބިވަޑައިގެންފައިވާ ބޭފުޅުންނަށް 8000 ރުފިޔާ އަދި ހިތްވަރުގަދަކަމުގެ ކުލަ ދެވިފައިވާ ފަރާތްތަކަށް 6000 ރުފިޔާ ދިނުމަށް ވަނީ ނިންމައިފައެވެ.
ނޮވެމްބަރު 3ގެ ބަތަލުންގެ އަގުވަޒަންކުރުމަކީ ރާއްޖޭގެ މިނިވަންކަމާއި ސިޔާދަތު ހިމާޔަތްކޮށް ރައްކާތެރިކުރުމަށް އަދި ގައުމީ ލޯތްބާއި ގައުމިއްޔަތު ދިރުވައި އާލާކުރުމަށް މުހިންމު ކަމެއް ކަމުގައި ރައީސް ދެކެވަޑައިގަންނަވާ ކަމަށް އެ ބަޔާނުގައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0