Read Time:3 Minute, 0 Second
ރައީސް ޑރ. މުހައްމަދު މުއިއްޒުގެ އިރުޝާދުގެ މަތިން މާލޭގެ ޒުވާނުންނަށް ބައިބަލާ ކުޅެވޭނެ މައިދާނެއް މިނިސްޓްރީ އޮފް ސިޓީސް ލޯކަލް ގަވަމަންޓް އެންޑް ޕަބްލިކް ވޯކްސް އިން ހަދައިފިއެވެ. ބައިބަލާ ކުޅޭ މައިދާން ހެދީ އުސްފަސްގަނޑު ސަރަހައްދުގައެވެ. ރައީސް ދެއްވި އިރުޝާދާ ގުޅިގެން މިނިސްޓްރީގެ ޕަބްލިކް ވޯކްސް ޔުނިޓްގެ މުވައްޒަފުން މި މަސައްކަތްކުރުމަށް ފެށީ އިއްޔެ ހެނދުނުގެ ވަގުތެއްގައެވެ. އަދި ރޭގެ ވަގުތެއްގައި ވަނީ އެ މައިދާން ގާއިމުކޮށްފައެވެ.
މިއީ މާފަންނު ސަހަރާގައި ބައިބަލައި ކުޅުމަށް ޒުވާނުންގެ ތެރޭން ބަޔަކު ތައްޔާރުވުމުން، ރައްޔިތުންގެ ތެރޭގައި އުފެދުނު ޚިޔާލުތަފާތުވުމަކާ ގުޅިގެން ކުރެވިގެން ދިޔަ މަސައްކަތެކެވެ. މިނިސްޓްރީން ވިދާޅުވި ގޮތުގައި ރައީސް ޑރ. މުއިއްޒު ގެންދަވަނީ ރައްޔިތުންގެ ކަންބޮޑުވުންތަކަށް އިޖާބަދެއްވައި، އަވަސް ޙައްލު ހޯއްދަވައި ދެއްވުމަށް ރެއާދުވާލު ކެނޑިނޭޅި މަސައްކަތްޕުޅު ކުރައްވަމުންނެވެ. މި ސަރުކާރަކީ ރައްޔިތުންގެ އަޑު ގާތުން އަހައި، ރައްޔިތުންގެ ވިންދާ އެއްގޮތަށް ވެރިކަން ކުރަމުން އަންނަ ސަރުކާރެއް ކަމަށާއި ޒުވާނުންނަށް ހެޔޮ ގޮތްތައް ހޯދައި ދިނުމަކީ ސަރުކާރުގެ މުހިންމު ސިޔާސަތެއް ކަމަށް މިނިސްޓްރީން ވިދާޅުވިއެވެ.
އުސްފަސްގަނޑުގައި ބައިބަލާ މައިދާނެއް ހެދިއިރު، މާފަންނު ސަހަރާގައި ހުރި ގަބުރުތަކެއް ނަގައި އެ ތަނުގައި ބައިބަލާ ކުޅޭ ތަނެއް ހެދި މައްސަލަ ބޮޑުވެ، މާލެ ސިޓީ ކައުންސިލަށް ވަނީ ބޮޑެތި ފާޑު ކިއުންތަކެއް އަމާޒުވެފައެވެ. އަދި ފާޑުކިއުން އަމާޒުވުމުން މާލޭ ސިޓީ ކައުންސިލުން ވަނީ އެ ތަން ނަގައިފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0