Read Time:2 Minute, 55 Second
(ފޮޓޯ ކްރެޑިޓްސް: ވަގުތު)
ރާއްޖޭގެ ގައުމީ އެއާލައިން މޯލްޑިވިއަން އިން އެތެރޭގެ އުދުހުންތަކަށް ހާއްސަކޮށްގެން ފަސެންޖަރުންނަށް ގިނަ ފައިދާތަކެއް ލިބޭ “ޕްރިމިއަމް އިކޮނޮމީ” ކްލާހުގެ ޓިކެޓްތައް ވިއްކަން ފަށައިފިއެވެ. މޯލްޑިވިއަން އިން ވިއްކާ ޕްރިމިއަމް އިކޮނޮމީ ކްލާހުގެ ޓިކެޓްތައް އަގުތައް މިހާރު ލިބޭ އިކޮނޮމީ ކްލާހުގެ ޓިކެޓްތަކަަށް ވުރެ ބޮޑުވާނެއެވެ. މިގޮތުން ޕްރިމިއަމް އިކޮނޮމީ ކްލާހުގެ ޓިކެޓާއެކު ބެގެޖް އެލަވެންސް 25 ކިލޯއަށް އިތުރުވެގެން ދެއެވެ. އަދި ޓިކެޓް ނެގުމަށްފަހު، އެއް ފަހަރު ހިލޭ ދަތުރު ކުރާ ތާރީހު ބަދަލު ކުރުމުގެ ފުރުސަތު ލިބިގެންދާއިރު، އެއާޕޯޓުންވެސް މި ފަސެންޖަރުންނަށް ރަނގަޅު ފެންވަރެއްގެ ހިދުމަތްތަކެއް ލިބިގެން ދާނެއެވެ.
އޭގެ ތެރޭގައި ޕްރިއޯރިޓީ ޗެކިންގ-ސާވިސް އާއި ވެލާނާ އިންޓަނޭޝަނަލް އެއާޕޯޓާއި އިފުރު އެއާޕޯޓާއި ދަރަވަންދޫ އެއާޕޯޓުން ފުރާ ފަސެންޖަރުންނަށް ލޯންޖް ސާވިސްގެ އިތުރުން، ޕްރިއޯރިޓީ ބޯޑިންގ ހިދުމަތާއި، ދޫކޮށްލާ ލަގެޖް ފަސޭހައިން ނެގޭނެ ގޮތްވެސް ޕްރިމިއަމް އިކޮނޮމީ ކްލާހުގެ ފަސެންޖަރުންނަށް ލިބިގެން ދާނެއެވެ. އަދި މަތިންދާބޯޓުގައި ޕްރިމިއަމް އިކޮނޮމީ ކްލާހުގެ ފަސެންޖަރުންނަށް ހާއްސަ ސީޓްތަކެއް ހަމަޖައްސާފައިވާއިރު، ހިލޭ ސްނެކާއި ބުއިމެއް ލިބިގެން ދާނެއެވެ.
މޯލްޑިވިއަންގެ އެޕްލިކޭޝަން އަދި ވައިބާ ނެޓްވޯކް މެދުވެރިކޮށް ޕްރިމިއަމް އިކޮނޮމީ ކްލާހުގެ ޓިކެޓްތައް ބުކް ކުރެވޭނެއެވެ. މޯލްޑިވިއަން އިން ރާއްޖޭގެ ގާތްގަނޑަކަށް ހުރިހާ މަންޒިލަކަށް ދަތުރު ކުރަމުންދެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0