Read Time:3 Minute, 7 Second
(ފޮޓޯ ކްރެޑިޓްސް: ޖައިޝަންކަރު)
އިންޑިއާގެ އެކްސްޓާނަލް އެފެއާޒް މިނިސްޓަރު ސުބްރަމާނިއަމް ޖައިޝަންކަރު، ފޮރިން މިނިސްޓަރު ޑރ. އަބްދުﷲ ހަލީލްއާ ބައްދަލުކުރައްވައިފިއެވެ. ޖައިޝަންކަރު، ހަލީލު މި ބައްދަލުކުރެއްވީ، އިންޑިއާގައި ކުރިއަށްދާ ރައިސީނާ ޑައިލޮގުގެ 10 ވަނަ ބައްދަލުވުމުގައި ބައިވެރިވެވަޑައިގަތުމަށް މިނިސްޓަރު މިހާރު އެގައުމަށް ކުރައްވަމުން ގެންދަވާ ދަތުރުފުޅުގެ ތެރެއިން ދިއްލީގައެވެ. ފޮރިން މިނިސްޓްރީން ވިދާޅުވީ، މި ބައްދަލުވުމުގައި ތަރައްގީގެ ދާއިރާއިން އިތުރަށް ގުޅުން ބަދަހި ކުރުމާ ގުޅޭ މަޝްވަރާތައް ދެ ބޭފުޅުން ކުރައްވާފައިވާ ކަމަށެވެ.
މީގެ އިތުރުން އިންޑިއާގެ އެހީގައި ރާއްޖޭގައި މިވަގުތު ކުރިއަށްދާ މަސައްކަތްތަކުގެ މައުލޫމާތާއި ތަރައްގީގެ ރޮނގުން އިތުރަށް ކުރެވިދާނެ ކަންކަމާގުޅޭ ގޮތުންވެސް ދެބޭފުޅުން މަޝްވަރާކުރައްވާފައިވާ ކަމަށް މިނިސްޓްރީން ވަނީ ވިދާޅުވެފައެވެ.
Glad to meet FM @abkhaleel of Maldives in New Delhi today.
Reviewed the progress of our bilateral cooperation.
🇮🇳 🇲🇻 pic.twitter.com/survINxkkH
— Dr. S. Jaishankar (@DrSJaishankar) March 18, 2025
މިއީ މިނިސްޓަރު ޚަލީލް، ފޮރިން މިނިސްޓަރުކަމާއި ހަވާލުވެވަޑައިގަތުމަށްފަހު ފަހުގައި އިންޑިއާއަށް ކުރައްވާ ފުރަތަމަ ރަސްމީ ދަތުރުފުޅެވެ. ރައީސް ޑރ. މުހައްމަދު މުއިއްޒު ހާރިޖީ ވަޒީރުގެ މަގާމުގައި ކުރިން ހުންނެވި މޫސާ ޒަމީރް މާލީ ވަޒީރަކަށް އައްޔަން ކުރައްވައި، ސިއްހީ ވަޒީރުގެ މަގާމުގައި ހުންނެވި ޑރ. އަބްދުﷲ ޚަލީލް، ހާރިޖީ ވަޒީރަކަށް އައްޔަން ކުރެއްވީ މިދިޔަ އަހަރު ސެޕްޓެމްބަރު މަހުގެ 30 ވަނަ ދުވަހުގައެވެ.
ފޮރިން މިނިސްޓަރުކަމާ ހަވާލުވެވަޑައިގެންނެވުމަށްފަހު މިނިސްޓަރު ހަލީލް އެންމެ ފުރަތަމަ ބައްދަލުކުރެއްވީވެސް އިންޑިއާ ސަފީރަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0