Read Time:2 Minute, 28 Second
ލ. ގަމުގައި ކުރިއަށްދާ 100 ހައުސިން ޔުނިޓް އެޅުމުގެ މަޝްރޫއުގެ %73 މަސައްކަތް ނިމިފައިވާކަމަށް އިމާރާތްކުރުމާއި ގެދޮރުވެރިކަމާއި ބިނާރާ ބެހޭ ވުޒާރާއިން ވިދާޅުވެއްޖެއެވެ. އެ ވުޒާރާއިން ވިދާޅުވީ މި މަޝްރޫއުގެ ދަށުން މިހާރު ކުރިއަށްދަނީ، ސިންގަލް ސްޓޯރީއަށް ހަދާ 100 ގެ ނިންމުމުގެ އެންމެފަހުގެ މަސައްކަތްތައް ކަމަށެވެ. އަދި މި މަޝްރޫޢަކީ ޖުމްލަ 89،389،786.20 ދިވެހި ރުފިޔާ ޚަރަދުވާ މަޝްރޫއެއް ކަމަށް ވެސް އެ ވުޒާރާއިން ވަނީ ވިދާޅުވެފައެވެ. މި މަޝްރޫއުގެ މަސައްކަތް ކުރިއަށް ގެންދިއުމަށް ހަވާލުކޮށްފައި ވަނީ އެސްޖޭ ކޮންސްޓްރަކްޝަން ޕްރައިވެޓް ލިމިޓެޑާއެވެ.
މި މަޝްރޫއުގެ މަސައްކަތް ކުރުމަށް އެ ކުންފުންޏާ ހަވާލުކޮށްފައިވަނީ 2022 ވަނަ އަހަރުއެވެ. މި ޕްރޮޖެކްޓަށް 84.2 މިލިއަން ރުފިޔާ ހަރަދުކުރާ އިރު، މި ޕްރޮޖެކްޓުގެ ދަށުން، 1000 އަކަފޫޓުގެ 100 ހައުސިންގ ޔުނިޓު އިމާރާތް ކުރުމަށް ވަނީ ނިންމައިފައެވެ. އަދި ކޮންމެ ހައުސިން ޔުނިޓެއްގައި ތިން ކޮޓަރި، ތިން ފާހަނާ، ސިޓިން ރޫމް، ބަދިގެ، ކާގެ، ލޯންޑްރީ އަދި ސްޓޯރޫމް ހިމެނެއެވެ.
އަދި މި ހައުސިންގ ޔުނިޓުތަކުގައި ދިރިއުޅޭ ރައްޔިތުންނަށް ހިތްފަސޭހަ މާހައުލެއް ގާއިމުކޮށްދިނުމަށް ޔުނިޓުތައް ވަށައިގެން އަލިކޮށް، ޕާކެއް ގާއިމުކޮށް، ވެހިކަލް ޕާކު ކުރާނެ ޕާކިން ޒޯނެއް ހެދުމަށް ވަނީ ހަމަޖެހިފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0