Read Time:3 Minute, 32 Second
(ފޮޓޯ ކްރެޑިޓްސް: ވަގުތު)
ބަނދަރުގައި ނުވަތަ ފަޅުތެރޭ އަޅާފައި އޮންނަ އުޅަނދުފަހަރުގައި، އުޅަނދު ބަލަހައްޓާނެ މީހުން ނުތިބޭނަމަ ފިޔަވަޅު އަޅާނެ ކަމަށް ޓްރާންސްޕޯރޓް މިނިސްޓްރީން ވިދާޅުވެއްޖެއެވެ. ޓްރާންސްޕޯޓް މިނިސްޓްރީން މިއަދު ކޮށްފައިވާ އިއުލާނުގައި ވިދާޅުވެފައިވަނީ ބައެއް ފަރާތްތަކުން ކަނޑު އުޅަނދުފަހަރާ މެދު ފަރުވާކުޑަކޮށް އަމަލު ކުރަމުންދާ ކަން އެ މިނިސްޓްރީއަށް ފާހަގަކުރެވިފައިވާ ކަމަށާއި އެގޮތުން ފަޅުތެރޭގައި އާއި ކަނޑުގެ ސަރަހައްދުގައި ނަގިލި ލުމަށް ފަހު އުޅަނދު ބެލެހެއްޓުމަށް ޓަކައި އެއްވެސް މީހެއް ނެތި ދޫކޮށްލާފައި އޮތުމުގެ ސަބަބުން ހިތާމަވެރި ހާދިސާތަށް ވެސް ހިންގަމުންދާކަން އެ މިނިސްޓްރީއަށް ފާހަގަކުރެވިފައިވާ ކަމަށް ވިދާޅުވިއެވެ.
އެހެންކަމުން ރާއްޖޭގެ ކަނޑުގެ ސަރަހައްދުގައި ދުއްވާ ކަނޑު އުޅަނދުފަހަރު ނަގިލި ލާފައި ނުވަތަ ޖެޓީގައި އޮންނަ ވަގުތުތަކުގައި އެ އުޅަނދެއް ބެލެއްހެއްޓުމަށް ޓަކައި އެކަށީގެންވާ އަދަދަށް ފަޅުވެރިން ތިބުމަކީ ސަލާމަތާ ރައްކާތެރިކަމުގެ ގޮތުން ކޮންމެހެން ލާޒިމްކަމެއްކަން ހަނދާންކޮށްދޭ ކަމެއް ކަމަށް ވެސް ވިދާޅުވެފައިވެއެވެ. އެގޮތަށް ނަގިލި ލާފައި އުޅަނދު ބެލެހެއްޓުމަށް ޓަކައި ބޭނުންވާ އަދަދަށް އެ އުޅަނދުގައި ފަޅުވެރިން ނެތް ނަމަ އެ އުޅަނދުގެ ވެރިފަރާތަކާމެދު “ދިވެހިރާއްޖޭގެ ކަނޑުގެ ސަރަހައްދުގައި ދަތުރުކުރާ އުޅަނދުފަހަރުގެ ސަލާމަތާބެހޭ ގަވާއިދު” ގެ 44 ވަނަ މާއްދާގެ “ފ” ގެ ދަށުން ފިޔަވަޅު އަޅާނެ ކަމަށް އެ އިއުލާނުގައިވެއެވެ.
މިހާރަކަށް އައިސް ކަނޑު އުޅަނދުފަހަރު ފަޅުތެރޭގައާއި ކަނޑުގެ ސަރަހައްދުގައި ނަގިލި ލުމަށްފަހު އުޅަނދު ބެލެހެއްޓުމަށް ޓަކައި އެއްވެސް ފަޅުވެރިއެއް އުޅަނދުގައި ނެތި އުޅަނދު ދޫކޮށްލާފައި ދިއުމުގެ ސަބަބުން ތަފާތު ނުރައްކާތެރި ހާދިސާތައް ދިމާވެ މީހުންގެ މުދަލަށް ގެއްލުން ވަމުންދާކަން މިނިސްޓްރީއަށް ވަނީ ފާހަގަކުރެވިފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0