Read Time:3 Minute, 55 Second
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އަނބިކަނބަލުން ސާޖިދާ މުޙައްމަދުގެ ކޮއްކޮއަށް އެމްޓީސީސީގެ ވަޒީފާއެއް ދީ، ކުރިއެރުން ދިން ކަމަށް ބުނެ މީސްމީޑިއާގައި ފަތުރަމުންދާ ވާހަކަތަކަކީ އަސާސެއް ނެތް ދޮގު ވާހަކަތަކެއް ކަމަށް ބުނެ، އޭނާގެ ފިރިކަލުން ޢަބްދުالله ޢާޠިފް ޢަލީ މިއަދު ބަޔާނެއް ނެރުއްވައިފިއެވެ. ޢާޠިފް ވިދާޅުވީ އޭނާގެ އަނބިކަނބަލުން އެމްޓީސީސީގައި މަސައްކަތް ކުރަން ފަށާފައިވަނީ އަމިއްލަ މަސައްކަތުން ކަމަށާއި، އެއްވެސް ނުފޫޒެއް ބޭނުންކޮށްގެން ނޫން ކަމަށެވެ. އަދި މާސްޓާސް ޑިގްރީ ހާސިލުކުރީ ވެސް އަމިއްލައަށް ހޯދި ފައިސާއިން ކަމަށް ވިދާޅުވިއެވެ.
“ރައީސްގެ އަނބިކަނބަލުން ވެލިފުކެއްގެ މިންވަރަށް ވެސް އެމްޓީސީސީގެ ވެރިޔާއަށް ނުފޫޒުފޯރުވާފައެއް ނޯންނާނެ. އަދި އަންހެނުން ދުވަހަކު ވެސް ރައީސްގެ ކިބައިން އެފަދަކަމަކަށް އެދިފައެއް ވެސް ނޯންނާނެ، އޭނާ ހޯދި މަޤާމެއް ހޯދީ އަމިއްލައަށް ކުރި ބުރަ މިންނެތް މަސައްކަތުން. މިކަމަށް ހަމަ ޔަޤީނުން ވެސް ހެކިވާނެ މީހުން ޚުދު އެމްޑީޕީގެ އެންމެ އިސް ސަފުގައި ތިއްބެވި ވެރިންނަށް ވެސް ވަރަށް ރަނގަޅަށް އެނގިވަޑައިގަންނަވާނެ. އޭގެ ތެރެއިން އެއްބޭފުޅަކީ ކުރީގެ އެމްޓީސީސީގެ ސީއީއޯ އަދި މިހާރު މާލެސިޓީގެ މޭޔަރު އާދަމް އާޒިމް،” ޢާޠިފް ވިދާޅުވިއެވެ.
އޭނާ އިތުރަށް ވިދާޅުވީ މެނޭޖަރ ލެވެލްއަށް ޕްރޮމޯޝަން ދެއްވީ ވެސް މަސައްކަތުގެ ހުނަރާއި ތަޢުލީމަށް ރިޢާޔަތްކޮށް ކަމަށެވެ. ޢާޠިފް ވިދާޅުވީ މި ވާހަކަތައް ފަތުރަނީ ސިޔާސީ ބޭނުމަށް ޓަކައި ކަމަށާއި، މިއީ އެއް ޢާއިލާއެއްގެ ކުދިބޮޑު އެންމެންގެ އަބުރާއި ކަރާމާތަށް އަރައިގަތުން ކަމަށެވެ.
“މާތް الله ގަންދީ ބުނަމެވެ. އަހަރެންގެ ހިތްވަރުގަދަ އަންހެނުންނާއި މެދު ހަސަން ކުރުސީއޭ ކިޔުނު ދައްޖާލު އެފެތުރީ ހަމަ ހުސް ރޯ ބުހުތާނު ދޮގު ވާހަކަތަކެކެވެ,” ޢާޠިފް ވިދާޅުވިއެވެ.
އޭނާގެ އަނބިކަނބަލުންގެ މުސާރައާ ގުޅޭގޮތުން ދިޔަވަރު ނޫހުގައި ޝާއިޢުކޮށްފައިވާ މަޢުލޫމާތަކީ ވެސް ދޮގު މަޢުލޫމާތު ކަމަށް ޢާޠިފް ވިދާޅުވިއެވެ. މިއީ ސަރުކާރާ މެދު ނަފްރަތު އުފެއްދުމަށް ދައްކާ ވާހަކަތަކެއް ކަމަށް އޭނާ ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0