Read Time:3 Minute, 22 Second
(ފޮޓޯ ކްރެޑިޓްސް: އައިއޭސީ)
ފަލަސްތީނުގެ ޣައްޒާގައި ދިވެހިންގެ އެހީތެރިކަމާއެކު ބޮޑު ރޯދަވީއްލުމެއް ބާއްވައިފިއެވެ. މި ރޯދަވީއްލުން އިންތިޒާމުކޮށް ބޭއްވީ ދިވެހިރާއްޖޭގެ އިންސާނީ އެހީތެރިކަން ފޯރުކޮށްދޭ އަމިއްލަ ޖަމްޢިއްޔާއެއް ކަމަށްވާ އިންޓަނޭޝަނަލް އެއިޑް ކެމްޕެއިން (އައިއޭސީ) އިންނެވެ. އައިއޭސީން މަޢުލޫމާތު ދިންގޮތުގައި މި ރޯދަވީއްލުމުގައި ސަތޭކަ އަށްވުރެ ގިނަ ބަޔަކު ބައިވެރިވިއެވެ. މީގެ އިތުރުން، އައިއޭސީން ޣައްޒާގައި އިތުރު ރޯދަވީއްލުމުގެ ހަރަކާތްތަކާއި ރޯދަވީއްލުމުގެ ޕެކޭޖްތައް ބެހުން ފަދަ އެހެނިހެން ޙަރަކާތްތައް ހިންގުމަށްވެސް ރޭވިފައިވާ ކަމަށް އެ ޖަމްޢިއްޔާއިން ބުންޏެވެ.
މި ހަރަކާތްތައް ކުރިއަށްދަނީ ޣައްޒާގެ ހާލަތު ދުވަހެއް ދުވަހަކަށް ގޯސްވަމުންދާ ދަނޑިވަޅެއްގައެވެ. އިސްރާއީލުން ދާދިފަހުން ޣައްޒާއަށް އިންސާނީ އެހީ ވެއްދުން ހުއްޓުވާލާފައިވާކަން ފާހަގަކޮށް، ދިވެހި ސަރުކާރުން ވަނީ މިކަން ހަރުކަށި އިބާރާތުން ކުށްވެރިކޮށްފައެވެ. 2023 ވަނަ އަހަރުގެ އޮކްޓޯބަރު 7 ވަނަ ދުވަހު އިސްރާއީލުން ފަލަސްތީނަށް ހަމަލާދޭން ފެށުމަށްފަހު، ޣައްޒާގެ ހާލަތު ވަނީ ނުހަނު ގޯސްވެފައެވެ. މިހާތަނަށް މި ހަމަލާތަކުގައި 48,000 އަށްވުރެ ގިނަ މީހުން ޝަހީދުވެ، 100,000 އަށްވުރެ ގިނަ މީހުންނަށް އެކި ވަރުގެ އަނިޔާ ލިބިފައިވެއެވެ.
މި ހަނގުރާމައިގެ ސަބަބުން ޣައްޒާގެ އާބާދީގެ 85 އިންސައްތަ މީހުން ވަނީ ގެދޮރު ދޫކޮށް ދާން މަޖުބޫރުވެފައެވެ. އަދި މިހާރު ޣައްޒާގެ ބައި މިލިއަނަށްވުރެ ގިނަ މީހުން ވަނީ ބަނޑުހައިހޫނުކަމުގެ ތެރެއަށް ވެއްޓިފައެވެ. މިފަދަ ނާޒުކު ދަނޑިވަޅެއްގައި ދިވެހިންގެ ފަރާތުން ޣައްޒާގެ ރައްޔިތުންނަށް އެހީތެރިވުމަށް ކުރެވޭ މަސައްކަތްތަކަކީ އިންސާނިއްޔަތުކަމުގެ ރީތި ނަމޫނާއެއް ކަމުގައި ގިނަ ފަރާތްތަކުން ފާހަގަކުރެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0