Read Time:2 Minute, 30 Second
އިންޑިއާއިން ކަނޑުމަގުން ރާއްޖެއަށް އެތެރެކުރަން އުޅުނު 58 މިލިއަން ރުފިޔާގެ މަސްތުވާތަކެތި އިންޑިއާގެ ކޯސްޓްގާޑުން އަތުލައިގެންފިއެވެ. ބޭރުގެ މީޑިއާތަކުން ރިޕޯޓް ކޮށްފައިވާ ގޮތުގައި އެ އޮޕަރޭޝަނަކީ އިންޑިއާގެ ތަމިލްނާޑޫގެ ޓުޓިކޮރިން ބަނދަރުން ފުރައިގެން ރާއްޖޭގެ ވެރިރަށް، މާލެއަށް މަސްތުވާތަކެތީގެ ޝިޕްމަންޓެއް އުފުލާކަމުގެ މައުލޫމާތު ޑިރެކްޓޮރޭޓް އޮފް ރެވެނިއު (ޑީއާރުއައި) އަށް ލިބިގެން މިދިޔަ ބުދަ ދުވަހު އިންޑިއަން ކޯސްޓް ގާޑް (އައިސީޖީ) އާއި ހިއްސާކޮށްގެން ކުރިއަށް ގެންދިޔަ އޮޕަރޭޝަނެކެވެ.
މި އޮޕަރޭޝަނުގައި “ޝުވޭ ލިން ޔޯން” ނަމަކަށް ކިޔާ ބޯޓެއް ތަމިލްނާޑޫއާއި ސްރީލަންކާއާއި ދެމެދު އޮންނަ ގަލފް އޮފް މަންނާއިން ހުއްޓުވައި ބަލައި ފާސްކުރިއިރު، އެ ބޯޓުން ގިނަ އަދަދެއްގެ މަސްތުވާތަކެތި ފެނިފައިވާ ކަމަށް ރިޕޯޓްތަކުން ވަނީ ބުނެފައެވެ. އެގޮތުން އެ ބޯޓުން ފެނިފައިވަނީ 30 ކިލޯގެ ހަޝިޝް އޮއިލް ކަމަށާއި އެތަކެތީގެ އަގަކީ އިންޑިއާގެ 30.95 ކްރޯޑް ރުޕީސް (58 މިލިއަން ރުފިޔާ) ކަމަށް ވެސް ރިޕޯޓްތަކުން ވަނީ ބުނެފައެވެ.
މި ބޯޓު ޓުޓިކޮރިން ބަނދަރަށް ގެންގޮސްފައިވާއިރު، މަސްތުވާތަކެއްޗާއެކު 9 މީހުން ހައްޔަރު ކޮށްފައިވާ ކަމަށް ވެސް ރިޕޯޓްތަކުން ވަނީ ބުނެފައެވެ. ނަމަވެސް ހައްޔަރު ކޮށްފައިވާ މީހުންގެ ވަނަވަރެއް ހާމަކޮށްފައެއް ނުވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0