Read Time:2 Minute, 31 Second
(ފޮޓޯ ކްރެޑިޓްސް: ވަގުތު)
ރާއްޖޭގެ ދަނޑުވެރިންގެ މައުލޫމާތު އެއްކުރުމުގެ މަސައްކަތް ދަނޑުވެރިކަމާއި ދިރޭތަކެއްޗާ ބެހޭ ވުޒާރާއިން ފަށައިފިއެވެ. އެ ވުޒާރައިން ވިދާޅުވީ، މި މަސައްކަތުގެ ދަށުން ކުރިޔަށް ގެންދަނީ ދަނޑުވެރިކަން ކުރާ މީހުންގެ އަދަދާއި ހައްދާ ގަހުގެ މައުލޫމާތު އެއްކުރުމުގެ މަސައްކަތް ކަމަށެވެ. ދަނޑުވެރިންގެ މައުލޫމާތު އެއްކުރުމުގެ މަސައްކަތާ ގުޅޭގޮތުން އެ ވުޒާރާއިން ވަނީ މޯލްޑިވްސް ބިއުރޯ އޮފް ސްޓެޓިސްޓިކްސް އާއެކު ވެސް ވަނީ މަޝްވަރާކޮށްފައެވެ.
ރާއްޖޭގެ ދަނޑުވެރިންގެ މައުލޫމާތު އެއްކުރުމަށް އެ ވުޒާރާއިން ނިންމާފައިވާއިރު ދަނޑުވެރިކަމުގެ ސިނާއަތުގައި ލަނޑުދަނޑިއަކަށްވާންވީ ދެމެހެއްޓެނެވި ގޮތުގައި ފުދުންތެރި، ވާދަވެރި ސިނާއަތެއް ގާއިމް ކުރުން ކަމަށް ދަނޑުވެރިކަމާއި ބެހޭ ވަޒީރު ޑރ. މަރްޔަމް މާރިޔާ ވަނީ ވިދާޅުވެފައެވެ. ވަޒީރު ވިދާޅުވީ ދަނޑުވެރިކަމުގައި ކާބަފައިން ގޮންޖެހުންތަކުން އަރައިގަތީ އައު ގޮތްތައް ހޯދައިގެން ކަމަށެވެ. އަދި އަމިއްލަވަންތަކަމާއި ގައުމީ ރޫހުގައި ކަމަށާއި، އެކަންކަން ނަމޫނާއަކަށް ނަގާ، އެ ޒިންމާ އުފުލަން ޖެހޭ ކަމަށް ވަޒީރު ވިދާޅުވިއެވެ.
ވަޒީރު ވިދާޅުވީ އެ ލަނޑުދަނޑިއަށް ވާސިލް ވުމަށްޓަަކައި ދަނދުވެރިކަމުގެ ސިނާއަތުގައި ހަރަކާތްތެރިވާ ޒުވާނުންނާއި އަންހެނުންގެ ނިސްބަތް އިތުރު ކުރަން ޖެހޭ ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0