Read Time:2 Minute, 12 Second
ބޮލީވުޑްގެ އެންމެ މަޝްހޫރު ތަރި ޝާހް ރުކް ޚާންގެ ދެން އަންނަން އޮތް ފިލްމެއް ކަމަށްވާ “ކިންގް”ގެ ޝޫޓިން އަނެއްކާވެސް ފެށުން ލަސްވެފައިވާ ކަމަށް ރިޕޯޓްތައް ބުނެފިއެވެ. ބޮލީވުޑް ހަންގާމާގެ ރިޕޯޓެއްގައި ބުނެފައިވަނީ “ކިންގު” ގެ ޝޫޓުތައް ލަސްކުރަން ޖެހުނީ ދާދި ފަހުން އެ ފިލްމުގެ ޑައިރެކްޓަރު ބަދަލު ވުމާ ގުޅިގެން ކަމަށެވެ. މި ފިލްމު ކުރިން ޑައިރެކްޓު ކުރަން ނިންމީ ސުޖޯއި ގޯޝް އެވެ. ނަމަވެސް މިހާރު މި ފިލްމު ޑައިރެކްޓު ކުރަނީ ސިދާތު އާނަންދެވެ.
ރިޕޯޓުތައް ބުނާގޮތުގައި ފިލްމުގެ ޝޫޓުތައް ލަސްކުރަން ޖެހުނީ ސިދާތު ފިލްމުގެ ސްކްރިޕްޓަށް ބަދަލުތަކެއް ގެންނަމުންދާތީއެވެ. ފިލްމުގެ ޝޫޓުތައް ފެށުމުގެ ކުރިން ސްކްރިޕްޓު އިތުރަށް ފުރިހަމަ ކުރަން ސިދާތު ބޭނުންވާ ކަމަށް ރިޕޯޓުތަކުގައި ވެއެވެ. މީގެ ކުރިން މީޑިއާތަކަށް މައުލޫމާތު ދެމުން ފިލްމުގެ ޕްރޮޑިއުސަރުން ބުނީ “ކިންގު” ގެ ޝޫޓުތައް މިއަހަރު މާރިޗުގައި ފަށާނެ ކަމަށެވެ.
ނަމަވެސް ސްކްރިޕްޓަށް ގެނެވޭ ބަދަލުތަކުގެ ސަބަބުން ފިލްމު ޝޫޓު ކުރަން ފެށުމަށް މިހާރު ހަމަޖެހިފައިވަނީ މިއަހަރު ޖޫން ގައެވެ. އަދި ފިލްމު ނެރުމަށް ހަމަޖެހިފައިވަނީ 2026 ވަނަ އަހަރު ފަހުކޮޅެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0