Read Time:3 Minute, 59 Second
ރައީސް ޑރ. މުހައްމަދު މުއިއްޒުގެ ހުއްދަ ނެތި ވަޒީރުންނާއި ކުންފުނިތަކުގެ ވެރިން ރައްޔިތުންގެ މަޖިލީހަށް ހާޒިރު ކުރުން މަނާކޮށްފައިވާ ކަމަށް ބުނެ ބައެއް މީޑިއާތަކުން ފަތުރަމުން އަންނަ ހަބަރުތައް މަޖިލިހުގެ ފުނަދޫ ދާއިރާގެ ޕީއެންސީ މެމްބަރު އަހުމަދު މަމްދޫހު މިއަދު ދޮގު ކުރައްވައިފިއެވެ. މަމްދޫހް މިހެން ވިދާޅުވީ “ރައީސް މުއިއްޒުގެ ހުއްދަ ނެތި ވަޒީރުންނާއި ސަރުކާރު ކުންފުނިތަކުގެ ވެރިން މަޖިލީހަށް ހާޒިރު ކުރުން މަނާކޮށްފި” މި ސުރުހީގެ ދަށުން “އަދަދު” ނޫހުގައި ލިޔެފައިވާ ހަބަރާ ގުޅިގެން “އެކްސް”ގައި ކުރެއްވި ޕޯސްޓެއްގައެވެ.
ކަނޑައެޅިގެން ދޮގު ޚަބަރެއް. މިފަދަ އެއްވެސް އެންގުމެއް، ރަޢީސް @MMuizzu ވެސް އަދި ޕީޖީ ލީޑަރ @IbrahimFalahR ވެސް އަންގާފައިނުވޭ!
20 ވަނަ ރައްޔިތުންގެ މަޖިލީހަށް އަހަރެއް ވާން ކައިރިވީއިރު، މިމަޖިލީހަކީ ސަރުކާރުގެ ވަޒީރުންނާއި ކުންފުނިތަކުގެ ވެރީން، ތަކުރާރުކޮށް، ހާޒިރު ކުރެވި،… https://t.co/7lvtWHDNiS— Mohamed Mamdooh (@Mamdooh_Yoonus) March 4, 2025
” ކަނޑައެޅިގެން ދޮގު ޚަބަރެއް. މިފަދަ އެއްވެސް އެންގުމެއް، ރައީސް މުއިއްޒު ވެސް އަދި ޕީޖީ ލީޑަރު ފަލާހް ވެސް އަންގާފައިނުވޭ” މަމްދޫހް ވިދާޅުވިއެވެ. މަމްދޫހް ވިދާޅުވީ 20 ވަނަ ރައްޔިތުންގެ މަޖިލީހަށް އަހަރެއް ވާން ކައިރިވީ އިރު، މިމަޖިލީހަކީ ސަރުކާރުގެ ވަޒީރުންނާއި ކުންފުނިތަކުގެ ވެރީން، ތަކުރާރުކޮށް، ހާޒިރު ކުރެވި، ސުވާލު ކުރެވި ކަންކަން ސާފުކުރެވި، ތަފާތު އެކިއެކި ކަންކަމާ މަޝްވަރާ ކުރެވިފައިވާ މަޖިލީހެއް ކަމަށެވެ.
މި މަޖިލީހުގެ ކަންކަން ނިންމަމުންދަނީ، ފުރިހަމަ މިނިވަންކަމާއެކު، މަޖިލީހުގެ އިންފާރު ތެރޭގައި، ރައްޔިތުންގެ މަންދޫބުން، ކުޑަވެސް ނުފޫޒެއް ނެތި ކަމަށް ވެސް ވިދާޅުވިއެވެ. މަޖިލިސް ދެންވެސް ދެމި އޮންނާނީ، “ދިވެހީންގެރާއްޖެ” މެނިފެސްޓޯ ފުރިހަމަ ގޮތުގައި ތަންފީޒުކޮށް، މި ގައުމާއި ލޮބުވެތި ރައްޔިތުންގެ ހެވާއި ލާބައަށް މަސައްކަތްކުރުމުގައި ކަމަށް މަމްދޫހް ވިދާޅުވިއެވެ. އަދި ސަރުކާރަށް ފުރިހަމައަށް އެއްބާރުލުންދީ ސަރުކާރުގެ ކަންކަމަށް ފާރަވެރިވެ، ޖަވާބުދާރީ ކުރުވާ، ކަންކަން ދިވެހީން އެދޭ މަގަށް، އިސްލާހުކުރަމުންދާ މަޖިލީހެއްގެ ގޮތުގައި މަޖިލިސް ދެމި އޮންނާނެ ކަމަށް އޭނާ ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0