Read Time:2 Minute, 17 Second
ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) ގެ ޗެއާމަން ކަމުން އަހުމަދު ނާސިފް ވަކިކޮށް ވޭސްޓް މެނޭޖްމަންޓް ކޯޕަރޭޝަން ލިމިޓެޑް (ވެމްކޯ) ގެ ޗެއާމަނަކަށް އައްޔަންކޮށްފިއެވެ. ޕީސީބީން ވިދާޅުވީ އެޗްޑީސީގެ ޗެއާމަން ކަމުގެ މަގާމުގައި ހުންނެވި ސ. ހުޅުދޫ، ރިވާސައިޑް އަހްމަދު ނާސިފް، އެ މަގާމުން ވަކިކޮށް ވޭސްޓް މެނޭޖްމަންޓް ކޯޕަރޭޝަން ލިމިޓެޑްގެ ޗެއާމަން ކަމުގެ މަގާމަށް މިއަދު އައްޔަނުކޮށްފައިވާ ކަމަށެވެ.
ނާސިފަކީ ކުރީގެ ރައީސް އަބްދުﷲ ޔަމީންގެ ސަރުކާރުގައި ތިލަފުށި ކޯޕަރޭޝަން ލިމިޓެޑް (ޓީސީއެލް) ގެ މެނޭޖިން ޑިރެކްޓަރުގެ މަގާމާއި ގްރޭޓާ މާލެ އިންޑަސްޓްރިއަލް ޒޯން ލިމިޓެޑްގެ އެމްޑީގެ މަގާމު އަދާކުރައްވާފައިވާ ބޭފުޅެކެވެ. އަދި ރީޖަނަލްސް އެއާޕޯޓްގެ ޗެއާޕާސަންގެ މަގާމު ވެސް ނާސިފް ފުރުއްވިއެވެ. ނާސިފް އެޗްޑީސީގެ ޗެއާމަން ކަމުން ވަކިކޮށްފައިވާއިރު ބިންވެރިޔާ ސްކީމްގެ ހިޔާނާތުގެ މައްސަލަ ތަހުގީގު ކުރަމުން ގެންދަވަނިކޮށް އެޗްޑީސީގެ މެނޭޖިން ޑިރެކްޓަރު ކަމުގައި ހުންނެވި އިބްރާހިމް ފަޒުލް ރަޝީދު ވަނީ މަގާމުން އިސްތިއުފާ ދެއްވައިފައެވެ.
އޭގެއިތުރުން އެޗްޑީސީގެ ބައެއް އިސްވެރިން އެ މައްސަލައިގައި ވަޒީފާ އިން ވަކިކުރިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0