ކާށީގެ އާ ސްޓޮކެއް އެސްޓީއޯއިން ގެނެސް ވިއްކަން ފަށައިިފި

Read Time:3 Minute, 12 Second

(ފޮޓޯ ކްރެޑިޓްސް: ވަގުތު)

ކާށީގެ އާ ސްޓޮކެއް އެސްޓީއޯއިން ގެނެސް ވިއްކަން ފަށައިިފިއެވެ. ރަމަޟާން މަހަށް ހާއްސަކޮށް އެސްޓީއޯއިން ދަނީ ހެޔޮ އަގުގައި ލިބޭނެ އިންތިޒާމްތައް ހަމަޖައްސަމުންނެވެ. މިގޮތުން ރޯދަ ފެށުމުގެ ކުރިންވެސް ކާށީގެ ސްޓޮކެއް ގެނެސް ވިއްކަމުން ދިޔައެވެ. އެސްޓީއޯގެ އޮފިޝަލަކު މިއަދު “ވަގުތު”އަށް ވިދާޅުވީ، ކާށިގެ އާ ސްޓޮކެއް އެސްޓީއޯއިން ގެނެސް އެސްޓީއޯ ޕީޕަލް ޗޮއިސް އިން ވިއްކަމުންދާ ކަމަށެވެ.

މިއީ އިންޑިއާއިން ރާއްޖެ ގެނައި ކާށި ކަމަށްވެސް އޮފިޝަލް ވިދާޅުވިއެވެ. “މިފަހަރު ކާށި ކިލޯއެއް 20ރ. އަށް ލިބޭއިރު، ކާށީގެ ސައިޒަށް ބަލައި، ކާއްޓެއްގެ އަގު ޖެހޭނެ ގާތްގަނޑަކަށް 7-9ރ. އަށް،”. އޮފިޝަލް ވިދާޅުވިއެވެ. އެސްޓީއޯ އިން ރަމަޟާން މަހަށް ޚާއްޞަ ތައްޔާރީތަކެއް ވިއެވެ. މި ގޮތުން، ރަމަޟާން މަހަށް ބޭނުންވާ މުދާ ފަސޭހަކަމާއެކު ލިބޭނެ އިންތިޒާމު އެ ކުންފުނިން ވަނީ ހަމަޖައްސާފައެވެ.

އެސްޓީއޯ އިން މިއަހަރު ޚާއްޞަ ސަމާލުކަމެއް ދީފައިވަނީ އާންމު ފަރުދުންނާއި ވިޔަފާރިވެރިންނަށް ފަހި ގޮތްތަކެއް ހޯދައިދިނުމަށެވެ. އަދި މާކެޓުގެ އަގުތަކަށް އަަންނަ ބަދަލުތައް ގަވާއިދުން ބަލަމުން ގެންގޮސް، އަގު މައްޗަށް ދާ ތަކެއްޗަށް އަވަސް ހައްލެއް ގެނައުމަށް އެ ކުންފުނިން ރާވާފައި ވެއެވެ.

މީގެ އިތުރުން އެސްޓީއޯއިން ވަނީ ހަތަރު ކެޓެގެރީ އަކަށް ބަހާލެވިގެން ކާބޯތަކެތި އެތެރެ ކުރަމުން ދާނެއެވެ.

ތާޒާ ތަރުކާރީ އަދި މޭވާ: ލުނުމެދު، އިނގުރު، ލައިމް، ކެރެޓް، އޮރެންޖް، ކެބެޖް، މިރުސް، ފޭރު، ކަރާ، އަނބޫ، ޕެޝަންފުރުޓް، ކިއުކަންބާ
ޕްރޮސެސްޑް ކާނާ : ނެސްލޭ ކުރީމް، ކޮކޯ ޕައުޑަރ، ބޭކެޓް ބީންސް، ގެރިކިރު ދަޅު
ކެއްކުމަށް ބޭނުންކުރާތަކެތި: ސަންފްލާވަރ އޮއިލް، ވެޖިޓަބަލް އޮއިލް، ބާސްމަތި ހަނޑޫ