Read Time:2 Minute, 6 Second
(ފޮޓޯ ކްރެޑިޓްސް: ވަގުތު)
ހެންވޭރު ގެެއެއްގެ ތެރޭގައި ހިންގާ އޮފީހެއްގައި ސިނގިރެޓް އުފައްދާތީ ފުލުހުން މިދިޔަ ޖެނުއަރީ މަސް ތެރޭގައި ބަލައިފާސް ކުރުމުގެ އޮޕަރޭޝަންގައި އެ އޮފީސް ތެރެއިން 49،000 ސިނގިރެޓް ފޮށި އަތުލައިގަނެފައިވާ ކަމަށާއި އެ ތަކެތި ނައްތާލަން ސިޓީ ފޮނުވާފައިވާ ކަމަށް ފުލުހުން މިއަދު ވިދާޅުވެއްޖެއެވެ. ހ. ހުޅުގަލިގެ އެންމެ ތިރީ ފަންގިފިލާގައި ހިންގާ އަމިއްލަ އޮފީހެއްގެ ތެރޭގައި ސިނގިރެޓް އުފައްދާ ކަމަށް ލިބިފައިވާ މައުލޫމާތަކާއި ގުޅިގެން ކޯޓު އަމުރެއްގެ ދަށުން އެތަން ބަލައި ފާސް ކުރީ ޖެނުއަރީ 30 ވަނަ ދުވަހުގެ ރޭގެ ވަގުތެއްގައެވެ.
އެރޭ ފުލުހުން އެގޭ ތެރެއިން ފޮށިތަކެއް ގެންދިޔައެވެ. ފުލުހުން މިއަދު ވިދާޅުވީ، މި މައްސަލައިގައި އަތުލައިގަނެފައިވާ ސިނގިރެޓްތައް ނައްތާލުމާއި މެދު ގޮތެއް ނިންމުމަށް ސިއްހީ ވުޒާރާއަށް ސިޓީއެއް ފޮނުވާފައިވާ ކަަމަށެވެ. އަދި މި މައްްސަލައިގެ ތުހުމަތު ކުރެވޭ ރޭޑިއަސް ގެ ވިޔަފާރި އާއި މެދު ގޮތެއް ނިންމުމަށް އިޤުތިޞާދީ ތަރައްޤީއާއި ވިޔަފާރިއާ ބެހޭ ވުޒާރާއަށް ސިޓީ ފޮނުވާފައިވާ ކަމަށްވެސް ފުލުހުން ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0