Read Time:3 Minute, 9 Second
ޖުޑިޝަލް ސާވިސް ކޮމިޝަން (ޖޭއެސްސީ) އިން ސަސްޕެންޑު ކުރި ސުޕްރީމް ކޯޓުގެ ތިން ފަނޑިޔާރުން އެ ކޯޓުގެ ވަޓްސް އެޕް ގްރޫޕުން ނިކެމެއްޖެއެވެ. ސަސްޕެންޑް ކުރި ތިން ފަނޑިޔާރުންނަކީ ޑރ. އަޒްމިރާލްދާ ޒާހިރު، މަހާޒު އަލީ ޒާހިރު އަދި ހުސްނުއްސުއޫދެވެ. ޖޭއެސްސީން ނެރުނު ބަޔާނެއްގައި ބުނެފައިވަނީ އެ ފަނޑިޔާރުން ސަސްޕެންޑްކުރަން ނިންމީ އޭސީސީން މި ފަނޑިޔާރުންނާ ގުޅޭ ޖިނާއީ ތަހުގީގެއް ކުރަމުންދާކަން އަންގާފައިވާތީ ކަމަށެވެ. ޖޭއެސްސީއިން ސަސްޕެންޑް ކުރި އެ ތިން ފަނޑިޔާރުން ވަނީ ސްޕްރީމް ކޯޓުގެ ފަޑިޔާރުން ތިއްބަވާ ވަޓްސް އެޕް ގްރޫޕުން މިހާރު އަމިއްލައަށް ނިކުމެވަޑައިގެންފައެވެ.
އެ ތިން ފަޑިޔާރުން ސަސްޕެންޑް ކޮށްފައިވަނީ ސުޕްރީމް ކޯޓުގައި މުހިންމު މައްސަލައެއްގެ އަޑުއެހުމެއް ތާވަލުކުރެވިފައިވަނިކޮށެވެ. އެއީ ޕާޓީން ވަކިކުރުމުން މަޖިލީހުގެ ގޮނޑި ގެއްލުވައިލެވޭ ގޮތަށް ގާނޫނުއަސާސީއަށް ގެނެވުނު ބަދަލު ބާތިލުކުރުމަށް އެދި ހުށަހެޅިފައިވާ މައްސަލައެކެވެ. ނަމަވެސް، ފަނޑިޔާރުން ސަސްޕެންޑްކުރުމާ ގުޅިގެން މި މައްސަލަ ވަނީ ހުއްޓިފައެވެ. ކޯޓުތަކުގެ ގާނޫނުގައި ބަޔާންކޮށްފައިވާ ގޮތުން، ސުޕްރީމް ކޯޓުގައި ދުސްތޫރީ މައްސަލައެއް ބެލޭނީ މަދުވެގެން ފަސް ފަނޑިޔާރުން ތިއްބަވާ ބެންޗަކުންނެވެ. މި މައްސަލަ ބަލަމުން ދިޔައީ ހަތް ފަނޑިޔާރުންގެ ފުލް ބެންޗަކުންނެވެ. މިހާރުގެ ހާލަތުގައި، މި ޝަރުތު ފުރިހަމަނުވާތީ، މައްސަލަ ކުރިއަށް ގެންދިއުމަށް މިވަނީ ހުރަސް އެޅިފައެވެ.
ގާނޫނުއަސާސީއަށް ގެނެވުނު ބަދަލަށް އަމަލުކުރުން މަޑުޖައްސާލުމަށާއި ފަނޑިޔާރުން ވަކިކުރުން ހުއްޓުވުމަށް އެދި ވަގުތީ އަމުރަކަށް އެދުނީ ކެންދޫ ދާއިރާގެ ކުރީގެ މެމްބަރު އަލީ ހުސެއިނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0