Read Time:3 Minute, 11 Second
(ފޮޓޯ ކްރެޑިޓްސް: ވަގުތު)
މާލެއަށް ރޭ ބޯކޮށް ވެހުނު ވާރޭއާ ގުޅިގެން މޯލްޑިވްސް މަނިޓަރީ އޮތޯރިޓީ (އެމްއެމްއޭ) އާއި ރާއްޖޭގެ އެންމެހާ ބޭންކުތައް މިއަދު ބަންދުވާނެ ކަމަށް އެ އޮތޯރިޓީން ހާމަކޮށްފިއެވެ. އެމްއެމްއޭ އިން މިކަން އިއުލާނު ކުރީ މިއަދަކީ ރަސްމީ ބަންދު ދުވަހެއްގެ ގޮތުގައި ރައީސް ޑރ. މުހައްމަދު މުއިއްޒު ހަމަޖެއްސެވުމާ ގުޅިގެންނެވެ. މި ނިންމެވުމަކީ ވާރޭގެ ސަބަބުން ގިނަ ރައްޔިތުންނަށް ދިމާވެފައިވާ ދަތިތަކަށް ލުޔެއް ހޯދައި ދިނުމުގެ ގޮތުން ނިންމެވި ނިންމެވުމެކެވެ.
ރައީސް އޮފީހުގެ ތަރުޖަމާން ހީނާ ވަލީދު “އެކްސް”ގައި ކުރެއްވި ޕޯސްޓެއްގައި ވިދާޅުވެފައިވަނީ، މިއަދު ސަރުކާރު ބަންދު ދުވަހެއްގެ ގޮތުގައި ރައީސް ޑރ. މުއިއްޒު ހަމަޖެއްސީ މެދުނުކެނޑި ބޯކޮށް ވާރޭވެހި، ބައެއް ސަރަހައްދުތަކުގައި ފެންބޮޑުވެ، އެކަމުގެ ސަބަބުން ވަރަށް ގިނަ ރައްޔިތުންނަށް ދަތިވެ، ގިނަގުނަ ތަކުލީފުތައް ތަހައްމަލު ކުރަން ޖެހިފައިވާތީ ކަމަށެވެ. މި ވަގުތު މާލޭގެ އިތުރުން ކ. އަތޮޅުގެ ބައެއް ރަށްރަށުގައިވެސް ފެންބޮޑުވުމުގެ މައްސަލަ ދިމާވެފައިވެއެވެ. އެގޮތުން ކ. ދިއްފުށި، ކ. ތުލުސްދޫ، ކ. ހުރާ އަދި ކ. ގުރައިދޫގައި ފެންބޮޑުވެފައިވާކަން ފާހަގަކުރެވެއެވެ.
މި ވިއްސާރައަށް ސަރުކާރުން ހާއްސަ ސަމާލުކަމެއް ދީގެން ފިޔަވަޅުތަކެއް ވަނީ އަޅައިފައެވެ. މި ފިޔަވަޅުގެ ސަބަބުން ރައްޔިތުންނަށް ކޮންމެވެސް ވަރެއްގެ ލުޔެއް ލިބިގެންދާނެ ކަމަށް ބެލެވެއެވެ. ރާއްޖޭގެ ބޮޑު ބަޔަކަށް މިހާރު ކުރަމުންދާ ވިއްސާރައިގައި މާލެ، ހިމެނޭހެން ގިނަ ރަށްތަކުގައި ފެން ބޮޑުވެ ގޭގެއަށް ފެން ވަދެފައިވެއެވެ. ބޯކޮށް ވާރޭ ވެހި ގުގުރާނެ ކަމަށް ލަފާ ކުރެވޭތީ މާލެ ސަރަހައްދަށް މިވަގުތު އޮތީ ރީނދޫ ސަމާލު ނެރެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0