Read Time:2 Minute, 41 Second
ރާއްޖެއަށް މިހާރު ކުރަމުން އަންނަ ވިއްސާރައާ ގުޅިގެން ވަރަށް ގިނަ ބަޔަކަށް ދަތިވެ، އުނދަގުލާ ކުރިމަތިވުމާ ގުޅިގެން މިއަދަކީ ރަސްމީ ބަންދު ދުވަހެއްގެ ގޮތުގައި ރައީސް ޑރ. މުހައްމަދު މުއިއްޒު ނިންމަވައިފިއެވެ. ރައީސް އޮފީހުގެ ތަރުޖަމާން ހީނާ ވަލީދު “އެކްސް” ގައި ވިދާޅުވީ މެދުނުކެނޑި ބޯކޮށް ވާރޭ ވެހި އަދި ބައެއް ސަރަހައްދުތަކުގައި ފެންބޮޑުވެ، އެކަމުގެ ސަބަބުން ވަރަށް ގިނަ ރައްޔިތުންނަށް ދަތިވެ ތަކުލީފުތަކެއް ލިބިފައިވާތީ މިއަދަކީ ބަންދު ދުވަހެއްގެ ގޮތުގައި ރައީސް ޑރ. މުއިއްޒު ހަމަޖައްސަވާފައިވާ ކަމަށެވެ.
ރާއްޖޭގެ ބޮޑު ބަޔަކަށް މިހާރު ކުރަމުންދާ ވިއްސާރައިގައި މާލެ، ކ. ހުރާ، ކ. ގުރައިދޫ، ކ. ހިންމަފުށި، ކ. ތުލުސްދޫގައި ފެން ބޮޑުވެ ގޭގެއަށް ފެން ވަދެފައިވާ ކަމުގެ ރިޕޯޓު ވަނީ ލިބިފައެވެ. ރޭގައި އެ ސަރަހައްދަށް އެންމެ ބޯކޮަށް ވާރޭ ވެހެން ފެށީ ގާތްގަނޑަކަށް އިޝާ ނަމާދު ވަގުތުން ފެށިގެންނެވެ. މާލޭގެ އެކި ސަރަހައްދުތަކުގައި ފެން ބޮޑުވެ ސިފައިން ނުކުމެ ފެން ހިންދުމުގެ މަސައްކަތް ކުރިއިރު، ފުލުހުންނާއި ސިފައިން އަދި ސަރުކާރުގެ އިސް ބައެއް ވެރިން ވެސް ބައިވެރިވެވަޑައިގެން ވެލި ބަސްތާ ވެސް ޖެހިއެވެ. އެމްއެންޑީއެފުން ވިދާޅުވި ގޮތުގައި މާލޭގެ ހަ ސަރަހައްދެއްގައި 13 ޕަންޕް ބަހައްޓައިގެން ފެން ހިންދުމުގެ މަސައްކަތްކުރިއެވެ.
ބޯކޮށް ވާރޭ ވެހި ގުގުރާނެ ކަމަށް ލަފާ ކުރެވޭތީ މާލެ ސަރަހައްދަށް މިވަގުތު އޮތީ ރީނދޫ ސަމާލު ނެރެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0