Read Time:3 Minute, 14 Second
(ފޮޓޯ ކްރެޑިޓްސް: ވަގުތު)
ރަމަޟާން މަސް ނިމުމާއެކު ގޭބިސީތަކުގައި ސްމާޓް މީޓަރު ހަރުކުރަން ފަށާނެ ކަމަށް ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އިން މިއަދު ހާމަކޮށްފިއެވެ. ސްޓެލްކޯގެ ޖެނެރަލް މެނޭޖަރު އިބްރާހިމް ނާޝިދު ދައުލަތުގެ މީޑިއާ، ޕަބްލިކް ސަރވިސް މީޑިއާ (ޕީއެސްއެމް) އަށް ދެއްވި އިންޓަވިއުއެއްގައި ވިދާޅުވީ، މި މަޝްރޫއުގެ ދަށުން ފުރަތަމަ ސްމާޓް މީޓަރުތައް ހަރުކުރަން ނިންމާފައިވަނީ ހުޅުމާލޭގައި ކަމަށެވެ.
“އަޅުގަނޑުމެން މި މަޝްރޫޢު ފަށަނީ ހުޅުމާލެއިން. އޭގެ ފަހުން މާލެ އަދި ވިލިމާލެއަށް ވެސް މި ޚިދުމަތް ތަޢާރަފުކުރާނަން. މިއީ ވަރަށް މުހިންމު ފިޔަވަޅެއް، ކަރަންޓުގެ ޚިދުމަތް އިތުރަށް ޒަމާނީކުރުމަށް,” ނާޝިދު ވިދާޅުވިއެވެ. ސްމާޓް މީޓަރުގެ ސަބަބުން ކަސްޓަމަރުންނަށް ކޮންމެ 15 މިނެޓަކުން އެއްފަހަރު ކަރަންޓު ބޭނުންކުރެވޭ މިންވަރު ބެލުމުގެ ފުރުސަތު ލިބިގެންދާނެއެވެ. މީގެ ސަބަބުން ކަސްޓަމަރުންނަށް އެމީހުންގެ ކަރަންޓު ބޭނުންކުރާ މިންވަރު ބަލައި، ޚަރަދު ކުޑަކުރުމަށް މަގުފަހިވެގެންދާނެ އެވެ.
ކަރަންޓުގެ ޚިދުމަތް ޒަމާނީ ކުރުމުގެ މަސައްކަތުގެ ތެރެއިން ސްޓެލްކޯއިން މިދިޔަ އަހަރު ސްމާޓް މީޓަރާާއި ގުޅޭ ޕައިލެޓް ޕްރޮޖެކްޓެއް ވެސް ކުރިއަށް ގެންގޮސްފައިވެއެވެ. އެ ޕްރޮޖެކްޓްގެ ނަތީޖާއަށް ބިނާކޮށް، މިހާރު ތައްޔާރުވަނީ ރަސްމީކޮށް ސްމާޓް މީޓަރު ތައާރަފު ކުރުމަށެވެ. ތިމާވެއްޓާއި ބެހޭ ވަޒީރު ތޯރިގް އިބްރާހީމް މިދިޔަ އަހަރު ވިދާޅުވެފައިވާ ގޮތުގައި ތިން އަހަރުގެ ތެރޭގައި ހުރިހާ ރަށަކަށް ސްމާޓް ކަރަންޓް މީޓަރު ތަޢާރަފު ކުރެވޭނެއެވެ.
ސްޓެލްކޯއިން އިތުރަށް ވިދާޅުވީ، ސްމާޓް މީޓަރު ހަރުކުރުމުގެ މަސައްކަތް ކުރިއަށްދާނީ ގޭބިސީތަކަށް ދަތިނުވާނެ ގޮތަށް ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0