މި ރަމަޟާން މަހަކީ އެންމެ ގިިނަ ޒުވާން ދިވެހި ހާފިޒުން އިމާމުވެ ނަމާދުކުރާ އަހަރު!

Read Time:4 Minute, 37 Second

(ފޮޓޯ ކްރެޑިޓްސް: ވަގުތު)

މި ރަމަޟާން މަހަކީ މިހާތަނަށް އެންމެ ގިނަ ދިވެހި ޒުވާން ހާފިޒުން އިމާމުވެ ނަމާދު ކުރާނެ ރޯދަ މަސް ކަމަށް ސަރުކާރުން ހާމަކޮށްފިއެވެ. ޓީވީއެމުން ގެނެސްދިން “ރޯދައަށް ތައްޔާރުވުން” މި ޕްރޮގްރާމުގައި ވާހަކަފުޅު ދައްކަވަމުން ސަރުކާރުން ވިދާޅުވީ މި ސަރުކާރުން ރަމަޟާން މަހަށް ހާއްސަކޮށް ވަރަށް ގިނަ ކަންތައްތަކެއް ކުރަމުން ގެންދާ ކަމަށާއި އެ މަސައްކަތުގެ ނަތީޖާއެއްގެ ގޮތުން މިއަހަރު ވެގެންދާނީ އެންމެ ގިނަ ދިވެހި ޒުވާނުން އިމާމުވެ ނަމާދު ކުރާނެ ރޯދަ މަހަށް ކަމަށެވެ.

“އެންމެ ގިނަ އަދަދަކަށް ޒުވާން ދިވެހި ހާފިޒުން އިމާމުވެ ނަމާދު އަދި ތަރާވީސް ކުރާ ރަމަޟާން މަހުގެ ގޮތުގައި މިއަހަރު ވެގެން މިދަނީ.” ސަރުކާރުން ވިދާޅުވިއެވެ. ސަރުކާރުން ވިދާޅުވީ ރައީސް ޑރ. މުހައްމަދު މުއިއްޒު ދީނީ ކަންކަމަށް ވަރަށް އިސްކަން ދެއްވާ ކަމަށާއި ހާއްސަކޮށް ޒުވާން ހާފިޒުން އުފެއްދުމަކީ މި ސަރުކާރުގެ އަމާޒެއް ކަމަށެވެ. ރައްޔިތުންނަށް ލުއި ފަސޭހަގޮތް ހެދުމަށްޓަކައި މި ސަރުކާރުން ކުރަމުން ގެންދާ ކަންތައްތައް ފާހަގަކުރައްވަމުން އިގްތިސާދީ ތަރައްގީއާ ބެހޭ ވަޒީރު މުހައްމަދު ސައިދު ވިދާޅުވީ ރައްޔިތުންނަށް ވެފައިވާ ވައުދުތަކާ އެއްގޮތަށް ސަރުކާރުން މަސްދަޅު ކޭސް ފޯރުކޮށްދެމުންދާ ކަމަށާއި ތަކެތީގެ އަގުތައްވެސް ހިފެހެއްޓިފައިވާ ކަމަށެވެ. އަދި މި ރޯދަ މަހު ރައްޔިތުންނަށް ބޭނުންވާ ކާބޯތަކެއްޗާއި އަސާސީ ބާވަތްތައް މެދުނުކެނޑި ލިބޭނެ އިންތިޒާމު ސަރުކާރުން ހަމަޖައްސާފައިވާ ކަމަށް ވަޒީރު ވިދާޅުވިއެވެެ.

މި ރޯދަ މަހު އިސްލާމީ މަރުކަޒުގެ އިމާމު އައްޝައިޚު އަލްހާފިޒު ސަލްމާން މުހައްމަދު ލަތީފާއި، އަލްހާފިޒް އުވައިސް ބިން އިނާޒް، އަލްޙާފިޒް ޚިޟްރު ބިން އިމާދުގެ އިތުރުން އައްޝައިހު އަލްހާފިޒް ސުލްތާން މުހައްމަދު ލަތީފު ތަރާވީހް ނަމާދު ކުރައްވާނެ ކަމަށް އިސްލާމީ ކަންތައްތަކާއި ބެހޭ ވުޒާރާއިން ވަނީ ވިދާޅުވެފައެވެ. އެ ވުޒާރާއިން ވިދާޅުވީ، ސުލްތާން މުހައްމަދު ލަތީފް ގުޅިވަޑައިގަންނަވާނީ ފަހު ދިހައިގައެވެ. މީގެ އިތުރުން، ފަހު ދިހައިގައި ދަމު ނަމާދު އިމާމުވެ ކުރައްވާނީ އައްޝައިޚު އަލްހާފިޒު ސަލްމާން މުހައްމަދު ލަތީފާއި އައްޝައިހު އަލްހާފިޒު ސުލްތާން މުހައްމަދު ލަތީފެވެ.

މީގެ ތެރޭގައި އުވައިސްއަކީ އުމުރުން 16 އަހަރުގައި ގުރުއާން ހިތުދަސް ކުރި ކުއްޖެކެވެ. އޭނާއަށް މި އަހަރު 17 އަހަރު ފުރޭނެއެވެ. އަދި ޚިޟްރަކީ އުމުރުން 10 އަހަރުގައި ގުރުއާން ހިތުދަސް ކުރި ކުއްޖެކެވެ. އޭނާއަށް މި އަހަރު 18 ފުރޭނެއެވެ