އޮންލައިން ޒަކާތް ބަލައިގަންނާނެ

Read Time:4 Minute, 19 Second

އޮންލައިން ފިތުރު ޒަކާތް ބަލައިގަންނަމުންދާނެ ކަމަށް ރާއްޖޭގެ ޒަކާތު ހައުސް އިން ވިދާޅުވެއްޖެއެވެ. ރޯދަމަހުގެ ތެރޭގައި އޮންލައިންކޮށާއި އިސްލާމީ ކަންތައްތަކާއި ބެހޭ ވުޒާރާ ކައުންޓަރުން.ވެސް ޒަކާތް ބަލައިގަންނާނެއެވެ. އޮންލައިންކޮށް ޒަކާތް ބަލައިގަންނަން ހަމަޖެހިފައިވަނީ، މިއަދުން ފެށިގެން ފެށިގެން މި މަހުގެ 27 ވަނަ ދުވަހާއި ހަމައަށެވެ. ބަނޑޭރި ޕޭ މެދުވެރިކޮށް ރޯދަ މަހުގެ އެންމެ ފަހު ދުވަހާ ހަމައަށް ޒަކާތް ދެއްކޭނެއެވެ.

އޮންލައިންކޮށް ޒަކާތް ބަލައިގަންނާނީ:

ދިރާގުން ދިރާގު މޮބަިއލް އެޕް އަދި ދިރާގު ޕޭ މެދުވެރިކޮށް
އުރީދޫން އެމްފައިސާ މޮބައިލް އެޕްލިކޭޝަން މެދުވެރިކޮށް
މޯލްޑިވްސް އިސްލާމިކް ބޭންކުން ފައިސާ މޮބައިލް އެޕްލިކޭޝަން މެދުވެރިކޮށް
ބޭންކް އޮފް މޯލްޑިވްސްއިން އެ ބެންކުގެ ވެބްސައިޓުގެ ޕޯޓަލް މެދުވެރިކޮށް
ފަހިޕޭއިން ފަހިޕޭ މޮބައިލް އެޕްލިކޭޝަން މެދުވެރިކޮށް އަދި
މިނިސްޓްރީ އޮފް ފިނޭންސުން ބަނޑޭރި ޕޭ މެދުވެރިކޮށް

ޒަކާތް ހައުސިންއިން ވިދާޅުވެފައިވަނީ ބަނޑޭރި ޕޭ މެދުވެރިކޮށް ރޯދަ މަހުގެ އެންމެ ފަހު ދުވަހާ ހަމައަށް ޒަކާތް ދެއްކޭނެއެެ. އޮންލައިންކޮށް ޒަކާތް ދެއްކުމަށް އަހުލުވެރި ނޫން މީހުންނަށް އެ ވުޒާރާގެ ހޯލަށް ގޮސް ޒަކާތް ދެއްކުމުގެ އިންތިޒާމްވަނީ ހަމަޖައްސާފައެވެ. އެގޮތުން އެ ވުޒާރާގެ ކައުންޓަރުން ޒަކާތް ބަލައިގަތުމަށް ހަމަޖެހިފައިވަނީ މާޗް މަހުގެ ދެވަނަ ދުވަހުން ފެށިގެން 20 ވަނަ ދުވަހަށް ރަސްމީ ބަންދު ނޫން ކޮންމެ ދުވަހަކު 09:30 އިން 01:30 އަށެވެ. އަދި 23 މާޗުން 30 މާޗަށް ހަމައަށް ހުކުރު އަދި ހޮނިހިރު ދުވަސް ފިޔަވާ ކޮންމެ ދުވަހަކު 11:00 އިން 14:00 އަށެވެ.

ފިތުރު ޒަކާތުގެ ގޮތުގައި ދައްކަން ޖެހޭ ފައިސާގެ އަދަދަކީ:

އާދައިގެ ހަނޑުލުންނަމަ 12 ރުފިޔާ
ތައިލެންޑް ހުދު ހަނޑުލުންނަމަ 62 ރުފިޔާ
ރަތް ހަނޑުލުންނަމަ 86 ރުފިޔާ
ބަސްމަތީ އާދައިގެ ހަނޑުލުންނަމަ 74 ރުފިޔާ
ބާސްމަތީ މޮޅު ހަނޑުލުންނަމަ 100 ރުފިޔާ
ބާސްމަތީ އެންމެ މޮޅު ހަނޑުލުންނަމަ 133 ރުފިޔާ
އާދައިގެ ފުށުންނަމަ 10 ރުފިޔާ އަދި
އާޓާ ފުށުންނަމަ 75 ރުފިޔާ

ފިތުރު ޒަކާތަކީ ކޮންމެ މުސްލިމެއްގެ މައްޗަށް ދެއްކުން ވާޖިބު، ދީނުގެ އެއް ރުކުނެވެ. ފިތުރު ޒަކާތް ދައްކަން ޖެހެނީ އެ ބަޔަކު އާންމުކޮށް ކައިއުޅޭ ގޮވާމުގެ ބާވަތަކުންނެވެ. އޭގެ މިންވަރަކީ ޞާޢެއް ނުވަތަ ދެއަތް ގޮށިން ނެގޭ މިންވަރެވެ.