Read Time:2 Minute, 52 Second
(ފޮޓޯ ކްރެޑިޓްސް: ވަގުތު)
މިއަހަރު މިހާތަނަށް ޗައިނާއިން ރާއްޖެއަށް ޒިޔާރަތް ކުރި ފަތުރުވެރިންގެ އަދަދު 57،157 އަށް އަރާފައިވާ ކަމަށް ޓޫރިޒަމް މިނިސްޓްރީގެ ތަފާސްހިސާބުތަކުން ދައްކައިފިއެވެ. ޓޫރިޒަމް މިނިސްޓްރީން އިއްޔެ އާއްމު ކުރި ތަފާސްހިސާބުތައް ދައްކާގޮތުން މި މަހުގެ 25 ވަނަ ދުވަހުގެ ނިޔަލަަށް ރާއްޖެއަަށް ޗައިނާއިން އައި ފަތުރުވެރިންގެ އަދަދު ވަނީ 57،157 އަށް އަރާފައެވެ. އެ ތަފާސްހިސާބުތައް ދައްކާގޮތުން މިއަހަރުގެ މިހާތަނަށް ރާއްޖެއަށް 411،290 ފަތުރުވެރިން އައިސްފައިވާއިރު، މިއީ މި އަހަރުގެ މި މުއްދަތުގެ ތެރޭގައި ރާއްޖެއަަށް އައި ފަތުރުވެރިންގެ އަދަދު މިދިޔަ އަހަރުގެ މި މުއްދަތާ އަޅާކިޔާއިރު، ބޮޑު ކުރިއެރުމެކެވެ. މިދިޔަ އަހަރުގެ މި މުއްދަތުގައި ރާއްޖެ އައިސްފައި ވަނީ 386،217 ފަތުރުވެރިންނެވެ.
މިނިސްޓްރީގެ ތަފާސްހިސާބުތަކުން ދައްކާ ގޮތުގައި ރާއްޖެއަށް އެންމެ ގިނަ ފަތުރުވެރިން ޒިޔާރަތްކުރާ ލިސްޓްގެ ދެވަނައިގައި އޮތީ ރަޝިޔާއެވެ. އެ ގައުމުން 40،511 ފަތުރުވެރިން އައިސްފައިވެއެވެ. އިނގެރޭސިވިލާތް ލިސްޓުގެ ތިން ވަނައިގައި 40،203 ފަތުރުވެރިނާއިއެކު އޮތްއިރު ހަތަރުވަނައިގައި އޮތް އިޓަލީ ރާއްޖެއަށް ޒިޔާރަތްކޮށްފައިވަނީ 37،502 ފަތުރުވެރިންނެވެ.
ރާއްޖޭގައި މިހާރު 172 ރިސޯޓު ހިންގަމުންދާއިރު، 15 ހޮޓެލަކާއި، 795 ފަތުރުވެހިގެ އިތުރުން، 155 ސަފާރީ އުޅަނދު ވެސް ދަނީ އޮޕަރޭޓު ކުރަމުންނެވެ. ޓޫރިޒަމް މިނިސްޓްރީން ބުނާ ގޮތުގައި މި އަހަރު ސަރުކާރުުގެ އަމާޒަކީ ރާއްޖެއަށް 2.3 މިލިއަން ފަތުރުވެރިން ގެނައުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0