Read Time:3 Minute, 7 Second
(ފޮޓޯ ކްރެޑިޓްސް: ރައީސް އޮފީސް)
ހައްޖަށް ގެންދިއުމަށް ލިބެނީ 1،000 ކޯޓާ ކަމަށާއި އެ ކޯޓާތައް ބެހުމުގައި އަމަލުކުރަނީ އުސޫލާ އެއްގޮތަށް ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ. ޝަހީމް މިހެން ވިދާޅުވީ ރައްޔިތުންގެ މަޖިލީހުގެ ކެންދޫ ދާއިރާގެ މެންބަރު މައުރޫފް ޒާކިރު ލިޔުމުން ޖަވާބު ހޯދެއްވުމަށް ކުރެއްވި ސުވާލަކާ ގުޅިގެންނެވެ. މައުރޫފް އެއްސެވީ ހައްޖަށް ދިއުމަށްޓަކައި ސައުދީ ސަރުކާރުން ކޮންމެ އަހަރަކު ރާއްޖެއަށް ދޫކުރަނީ ކިތައް ކޯޓާތޯ އާއި ރާއްޖެއަށް ލިބޭ ހައްޖު ކޯޓާ ދޭ ފަރާތްތައް ކަނޑައެޅުމުގައި އެ ކޯޓާ ދެނީ އެންމެ ހައްގުވެރި ފަރާތްތަކަށްކަން ކަށަވަރުކުރުމުގައި އަމަލުކުރާނެ އުސޫލެއް އޮވޭތޯއެވެ.
އަދި ސައުދީ ސަރުކާރުން ދޫކުރާ ކޯޓާގެ ތެރެއިން ސަރުކާރާއި ހައްޖު ކޯޕަރޭޝަނާއި މިނިސްޓްރީގެ ބޭނުމަށް ކޯޓާ ކަނޑައަޅަނީ ކޮން އުސޫލަކަށް ރިއާޔަތްކޮށްގެންތޯ ވެސް މައުރޫފް ވަނީ ސުވާލުކުރައްވާފައެވެ. އެ ސުވާލުތަކުގެ ޖަވާބު މަޖިލީހުގެ ރިޔާސަތުން ވަނީ އިއްވައިފައެވެ. ޝަހީމް ވިދާޅުވީ ހައްޖުގެ އިންތިޒާމުތައް ހަމަޖެއްސުމާ ބެހޭ ގޮތުން ރާއްޖެ އާއި ސައުދީއާ ދެމެދު ވެވޭ އެއްބަސްވުމުގެ ދަށުން ރާއްޖެއަށް ލިބެނީ 1000 ކޯޓާ ކަމަށެވެ. އަދި ރާއްޖެއިން މީހުން ހައްޖަށް މީހުން ގެންދިއުމާއި ބެހޭ އުސޫލައި އަމަލުކުރަންވީ ގޮތް ތަފްސީލުކޮށް ބަޔާންކޮށްފައިވާ ކަމަށް އޭނާ ވިދާޅުވިއެވެ.
ޝަހީމް ވިދާޅުވީ ސައުދީ ސަރުކާރުން ދޫކުރާ ކޯޓާގެ ތެރެއިން ސަރުކާރާއި ހައްޖު ކޯޕަރޭޝަނާއި މިނިސްޓްރީގެ ބޭނުމަށް ކޯޓާ ކަނޑައަޅާފައިވަނީ ރާއްޖެއިން ހައްޖަށް މީހުން ގެންދިއުމާ ބެހޭ އުސޫލާއި އެއްގޮތަށް ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0