Read Time:2 Minute, 12 Second
ފުލުހުންގެ ވެލްފެއާ ކޯޕަރޭޝަން (ޕޮލްކޯ) ގެ ސީއީއޯ އަހުމަދު އަނީސް މަގާމުން ސަސްޕެންޑްކޮށްފިއެވެ. ފުލުހުން ވިދާޅުވީ ޕޮލްކޯގެ ސީއީއޯގެ މަގާމުގައި ހުންނެވި އިންސްޕެކްޓާ އޮފް ޕޮލިސް އަހުމަދު އަނީސްގެ އިތުބާރު ނެތް ކަމުގެ މައްސަލައެއް ޕޮލްކޯގެ ބޯޑަށް ހުށަހެޅިފައިވާތީ އެ މައްސަލަ ނިމެންދެން ސީއީއޯގެ ޒިންމާތަކުން އެކަހެރި ކުރަން މިދިޔަ އާދިއްތަ ދުވަހު ބޭއްވި ޕޮލްކޯގެ ބައްދަލުވުމުގައި ނިންމާފައިވާ ކަމަށެވެ.
ޕޮލްކޯގެ ދުވަހުން ދުވަހަށް ހިންގާ ބެލެހެއްޓުމުގެ ޒިންމާ ޕޮލްކޯގެ ސެކްރެޓަރީ އިބްރާހިމް ހަލީލްއާ ހަވާލު ކުރުމަށް މި ބައްދަލުވުމުގައި ނިންމާފައިވާ ކަމަށް ފުލުހުން ވިދާޅުވިއެވެ. ހަލީލަކީ ޖުލައި 2020 އިން ފެށިގެން ޕޮލްކޯގެ ސެކްރެޓަރީގެ މަގާމު ފުރުއްވަމުން ގެންދަވާ ބޭފުޅެކެވެ. އަނީސް ސަސްޕެންޑް މި ކުރީ ޕްލޮކޯގެ ހިޔާނާތުގެ މައްސަލަތައް އެންޓި ކޮރަޕްޝަން ކޮމިޝަން (އޭސީސީ) އިން ބަލަން ފެށުމާ އެކުގައެވެ. ޕޮލްކޯ އަށް ކޮރަޕްޝަންގެ ތުހުމަތުތަކެއް ކުރީ ހުޅުމާލެ ފުރަތަމަ ފިޔަވަހީގައި އަޅާފައިވާ ފުލުހުންގެ ތިން ޓަވަރު އިމާރާތް ކުރުމުގައި ހިންގާފައިވާ ކޮރަޕްޝަންގެ މައްސަލަތަކާ ގުޅިގެންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0