ސްޕްރީމް ކޯޓުގެ ފަނޑިޔާރުން ވަކިކުރާ ބިލް ކޮމެޓީން ފާސްކޮށްފި

Read Time:3 Minute, 46 Second

(ފޮޓޯ ކްރެޑިޓްސް: ވަގުތު)

ސްޕްރީމް ކޯޓުގެ ފަނޑިޔާރުންގެ އަދަދު މަދު ކުރުމަށް ސަރުކާރުން ހުށަހެޅި ބިލް ޖުޑީޝަރީ ކޮމިޓީން ފާސްކޮށްފިއެވެ. މި ބިލް މަޖިލީހަށް ހުށަހެޅުއްވީ ހޮޅުދޫ ދާއިރާގެ މެންބަރު އަބްދުުއްސައްތާރު މުހައްމަދެވެ. ސުޕްރީމް ކޯޓުގެ ފަނޑިޔާރުންގެ ބެންޗްގެ އަދަދު ހަތަކުން ފަހަކަށް މަދުކުރަން ގާނޫނަށް އިސްލާހު ގެނައުމުގެ ބިލް ބަލައިގަތުމަށް ވޯޓު ދިނުމަށް ޕީއެންސީގެ ޕީޖީ ގްރޫޕުން އޮތީ ތްރީ ލައިން ވިޕެއް ނެރެފައެވެ. އެއީ ޕީއެންސީގެ ލީޑަޝިޕުން އެ ބިލް ފާސްކުރަން ނިންމާފައި އޮތުމުންނެވެ.

މަޖިލިހުގެ މިއަދުގެ ޖަލްސާގައި މެމްބަރުންގެ މެދުގައި ބަހުސް ކުރެއްވުމަށް ފަހު، އެ ބިލް ބަލައިގަންނަން ފެނޭތޯ ވޯޓަށް އެހުމުން 76 މެމްބަރުންގެ ތެރެއިން 64 މެމްބަރުން ވަނީ ބިލް ބަލައިގަންނަން ވޯޓު ދެއްވައިފައެވެ. މި ބިލް ބަލައިގަތުމާ ދެކޮޅަށް 12 މެމްބަރުން ވޯޓު ދެއްވިއެވެ. މިއާއެކު، މި ބިލް ބަލައިގަނެ ދިރާސާ ކުރުމަށް ޖުޑިޝަރީ ފޮނުވިއިރު، މިއަދު ހަވީރު އޮތް ކޮމެޓީގެ ބައްދަލުވުމުގައި އެ ކޮމެޓީން ވަނީ ބިލް ފާސްކޮށްފައެވެ. ބިލުގައި ބަޔާންކޮށްފައިވާ ގޮތުން، ފަނޑިޔާރުން ވަކިކުރެވޭނީ ޖުޑީޝަލް ސަރވިސް ކޮމިޝަނުން ހުށަހަޅައި، މަޖިލީހުގެ 2/3 އަޣުލަބިއްޔަތުން ފާސްވުމުންނެވެ. އަދި ޖޭއެސްސީން ވަކިކުރާ ފަނޑިޔާރުންގެ ނަންތައް ބިލަށް ޢަމަލުކުރަން ފަށާތާ ފަސް ދުވަހުގެ ތެރޭގައި މަޖިލީހަށް ހުށަހަޅަންޖެހެއެވެ. މަޖިލީހުން ހަތް ދުވަހުގެ ތެރޭގައި މިކަމާމެދު ގޮތެއް ނިންމަންޖެހޭނެއެވެ.

ފެހި ގާނޫނުއަސާސީގެ ދަށުން އެކުލަވާލެވުނު އިންތިގާލީ ސުޕްރީމް ކޯޓުގައި ފަސް ފަނޑިޔާރުން ތިއްބެވިއެވެ. 2010 ގައި ހަތް ފަނޑިޔާރުންގެ މައްޗަށް ދާއިމީ ކޯޓެއް އުފެދުނެވެ. 2014 ގައި އަދަދު ފަހަކަށް މަދުކުރެވުނު ނަމަވެސް، 2019 ގައި އަނެއްކާވެސް ހަތަކަށް އިތުރުކުރެވުނެވެ. މިހާރު ސުޕްރީމް ކޯޓުގައި ތިއްބެވީ އުއްތަމަ ފަނޑިޔާރު އަހްމަދު މުއުތަސިމް އަދުނާންއާއި އިތުރު ހަ ފަނޑިޔާރުންނެވެ. މި ބިލު ފާސްވެއްޖެނަމަ، ސުޕްރީމް ކޯޓުގެ އޮނިގަނޑަށް ބޮޑު ބަދަލެއް އަންނާނެއެވެ.