Read Time:3 Minute, 0 Second
(ފޮޓޯ ކްރެޑިޓްސް: ރައްޔިތުންގެ މަޖިލިސް)
ހޯމް މިނިސްޓަރު އަލީ އިހުސާންގެ މައްޗަށް އިތުބާރު ނެތް ކަމަށް ރައްޔިތުންގެ މަޖިލީހުން ފާހެއް ނުވިއެވެ. މަޖިލިހުގެ މިއަދުގެ ޖަލްސާގައި އެންމެ ފުރަތަމަ ކަމަކަށް އޮތީ އިހްސާންގެ އިތުބާރު ނެތް ކަމަށް ހުށަހަޅާފައިވާ މައްސަލައިގައި ޖަވާބުދާރީވުމެވެ. އޭގެ ފަހުގައި މެމްބަރުންގެ މެދުގައި އެ މައްސަލައަށް ބަހުސް ކުރެއްވިއެވެ. ބަހުސަށް ފަހު ނެގި ވޯޓުގައި އިހްސާންގެ އިތުބާރު ނެތް ކަމަށް ވޯޓު ދެއްވީ 11 މެމްބަރުންނެވެ.
އެއީ މަޖިލިހުގައި ތިއްބެވި އެމްޑީޕީގެ 11 މެމްބަރުންނެވެ. އިހްސާންގެ އިތުބާރު ނެތް ކަމަށް ފަސް ކުރަން ނުފެންނަ ކަމަށް ވޯޓު ދެއްވީ 64 މެމްބަރުންނެވެ. އިދިކޮޅު އެމްޑީޕީގެ 12 މެންބަރަކު ސޮއިކުރައްވައި ހޯމް މިނިސްޓަރު އިހުސާންގެ މައްޗަށް އިތުބާރު ނެތް ކަމުގެ މައްސަލައެއް ހުށަހެޅި އިރު، މި މައްސަލައިގައި މައިގަނޑު ތިން ތުހުމަތެއް ކޮށްފައިވެއެވެ. ފުރަތަމަ ތުހުމަތަކީ ބިދޭސީ މަސައްކަތްތެރިންގެ ކަންކަން ބެލެހެއްޓުމަށް ބްލެކްލިސްޓް ކުރެވިފައިވާ މެލޭޝިޔާގެ ބެސްޓިނެޓް ކުންފުންޏާ ހަވާލުކުރި މައްސަލައެވެ. ދެވަނަ ތުހުމަތަކީ ފުލުހުންގެ މަސައްކަތަށް ނުފޫޒު ފޯރުވައި، ޖިނާއީ ތަހުގީގުތަކަށް ހުރަސްއެޅި ކަމުގެ ތުހުމަތެވެ. ތިންވަނަ ތުހުމަތަކީ ޑީއެންއާރުގެ ޑޭޓާބޭސް ނަހަމަ ގޮތުގައި ބޭނުންކޮށް، ހުއްދަނެތި މީހުންގެ މައުލޫމާތު ނަގައި ޕީއެންސީއަށް ވެއްދި ކަމުގެ ތުހުމަތެވެ.
މި މައްސަލައިގައި އިހްސާން ވަނީ އޭނާގެ މައްޗަށް ކުރެވޭ ތުހުމަތުތަކަށް އިންކާރު ކުރައްވައި މަޖިލިހުގައި ވަރަށް ތަފްސީލްކޮށް ވާހަކަ ދައްކަވައިފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0