Read Time:3 Minute, 27 Second
(ފޮޓޯ ކްރެޑިޓްސް: ވަގުތު)
ދ. މާއެނބޫދޫގައި ބީއެމްއެލް އޭޓިއެމްގެ ޚިދުމަތް ރަސްމީކޮށް ފަށައިފިއެވެ. މި ޚިދުމަތް ފައްޓަވައިދެއްވީ އެ ރަށުގައި ބޭއްވި ރަސްމިއްޔާތެއްގައި ރައީސް ޑރ. މުހައްމަދު މުއިއްޒެވެ. މި ޚިދުމަތް ފައްޓަވައިދެއްވަމުން ބީއެމްއެލްގެ މެނޭޖިން ޑިރެކްޓަރު މުހައްމަދު ޝަރީފު ވިދާޅުވީ ރާއްޖޭގެ ހުރިހާ ރަށަކަށް ބޭންކިން ޚިދުމަތް ފޯރުކޮށްދީ، ހުރިހާ ރަށެއްގައި އޭޓީއެމް ބަހައްޓަން ރައީސް ޑރ. މުއިއްޒު ނިންމެވި ނިންމެވުމާ ގުޅިގެން ބީއެމްއެލުން ކުރަމުންދާ މަސައްކަތުގައި މާއެނބޫދޫގައި އޭޓީއެމްއެއް ގާއިމު ކުރުމުން އެ ރަށު ރައްޔިތުން ރަށުގައި ތިބެގެން ބޭންކިން ޚިދުމަތް ފަސޭހަ ކަމާއެކީ ބޭނުން ކުރެވޭނެ ކަމަށެވެ.
“މިއީ ހަމައެކަނި އޭޓީއެމެއް ހުޅުވިގެން ދިޔުމެއް ނޫން. މިއަދު މި ހުޅުވުނީ ރަށުގެ ރައްޔިތުންނަށް ރަށުގައި ތިބެގެން ބޭންކިން ޚިދުމަތް ދެވޭނެ މަގު.” ޝަރީފް ވިދާޅުވިއެވެ. މި ޚިދުމަތާއެކީ ރައްޔިތުންނަށް މީގެ ކުރިން ފައިސާ ޖަމާކުރުމާއި ފައިސާ ނެގުމުގައި ދިމާވި ދަތިތަކަށް ހައްލެއް ލިބިގެންދާނެއެވެ. ހަަމައެއާއެކު ކުރިޔަށް އޮތް ރަމަޟާންމަހުގެ އެއް ވަނަ ދުވަހުން ފެށިގެން ގޭގައި ތިބެގެން ނޫނީ އޮފީހުގައި ތިބެގެން ބޭންކިންގެ ހުރިހާ ޚިދުމަތެއް ބީއެމްއެލް އެޕް މެދުވެރިކޮށް ލިބޭނެ ކަމަށްވެސް ޝަރީފް ވަނީ ވިދާޅުވެފައެވެ. އަދި ދ. ކުޑަހުވަދޫ ބްރާންޗުގެ މުވައްޒަފުން މާއެނބޫދޫއަށް ޒިޔާރަތްކޮށް އެރަށުގެ ބޭންކުގެ މުވައްޒަފުންނަށް ބޭނުންވާ އެހީތެރިކަން ފޯރުކޮށްދޭނެ ކަމަށް އޭނާ ވިދާޅުވިއެވެ.
ޝަރީފް ވިދާޅުވީ ވޭތުވެދިޔަ ދުވަސްތަކުގައި ބޭންކުން ފޯރުކޮށްދޭ ބައެއް ޚިދުމަތްތަކަށް ރައީސްގެ އިރުޝާދާއެކީ ލުއިތަކެއް ދީފައިވާ ކަމަށެވެ. އެގޮތުން ޕާސަނަލް ލޯނުތަކާއި ބިޒްނަސް ލޯނުތައް ކުޑަ އިންޓްރެސަކާއެކީ ފަސޭހައިން ލިބޭނެގޮތް ހަދާފައިވާ ކަމަށް އޭނާ ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0