ކުޑަހުވަދޫ ހިއްކި ސަރަހައްދުގައި ފެނާއި ނަރުދަމާ ނިޒާމުގެ ކެޕޭސިޓީ އިތުރުކުރަން ސޮއިކޮށްފި

Read Time:3 Minute, 55 Second

(ފޮޓޯ ކްރެޑިޓްސް: ވަގުތު)

ދ.ކުޑަހުވަދޫ ހިއްކި ސަރަހައްދުގައި ފެނާއި ނަރުދަމާ ނިޒާމު ގާއިމުކުރުމާއި މިހާރު ގާއިމުކޮށްފައިވާ ފެނުގެ ނިޒާމުގެ ކެޕޭސިޓީ އިތުރު ކުރަން ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އާ ހަވާލުކޮށްފިއެވެ. ކުދަހުވަދޫގައި ރޭ ބޭއްވި ރަސްމިއްޔާތެއްގައި މި އެއްބަސްވުމުގައި ކޮންސްޓްރަކްޝަން މިނިސްޓްރީގެ ފަރާތުން ސޮޮއިކުރެއްވި މިނިސްޓަރު ޑރ. އަބްދުﷲ މުއްތަލިބުއެވެ. ރޯޑް ޑިވެލޮޕްމަންޓް ކޯޕަރޭޝަން ލިމިޓެޑްގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު ބްރިގޭޑިޔާ ޖެނެރަލް (ރިޓަޔާޑް) އަލީ ޒުހައިރުއެވެ.

މި މަޝްރޫއުގެ ދަށުން ކުރުމަށް ހަމަޖެހިފައިވާ މައިގަނޑު މަސައްކަތްތަކުގެ ތެރޭގައި ކުޑަހުވަދޫ ހިއްކި ސަރަހައްދުގައި ފެނާއި ނަރުދަމާ ގާއިމުކުރެވިފައިނުވާ ސަރަހައްދުގައި ފެނާއި ނަރުދަމާ ހޮޅި އެޅުމާއި، ނަރުދަމާ ޕަންޕިން ސްޓޭޗަން ބެހެއްޓުން، ނަރުދަމާ ޖަންގްޝަން ބެހެއްޓުން، ފެން މީޓަރުތައް ބެހެއްޓުން، އައުޓް ފްލޯއެއް އެޅުމާއި އަދި މިހާރު އެރަށުގައި ގާއިމުކޮށްފައިވާ ފެނުގެ ނިޒާމުގެ ކެޕޭސިޓީ އިތުރުކުރުމަށްޓަކައި ދުވާލަކު 100 ޓަނުގެ ފެން އުފެއްދޭ ވަރުގެ ދެ އާރު.އޯ ޕްލާންޓް ބެހެއްޓުން ހިމެނެއެވެ.

އަދި 700 ޓަނުގެ ފެން ރައްކާ ކުރެވޭ ވަރުގެ ދެ ޓޭންކު ބެހެއްޓުމާއި އައުޓްފްލޯ އެޅުމުގެ އިތުރުން މި މަޝްރޫއު ނިންމުމަށް ކުރަންޖެހޭ އެންމެހައި މަސައްކަތް މި އެއްބަސްވުމުގެ ދަށުން ކުރާނެއެވެ. މި ޕްރޮޖެކްޓަކީ 700 ދުވަސްތެރޭ ނިންމުމަށް އާރުޑީސީއާ ހަވާލުކުރެވުނު 87،487،556.76 ރުފިޔާގެ ޕްރޮޖެކްޓެކެވެ.

ކުޑަހުވަދޫގައި ބޭއްވި ޖަލްސާގައި ރައީސް ޑރ.މުހައްމަދު މުއިއްޒު ވިދާޅުވީ ފާއިތުވީ 11 އަހަރު ކުޑަހުވަދޫގައި ހިއްކާފައި އޮތް ބިން އެއްވެސް ކަމެއް ނުކޮށް ދޫކޮށްލާފައިވާ ކަމަށާއި އެތަނުގައި ދިރިއުޅެވޭނެ އަސާސީ އެއްވެސް ޚިދުމަތެއްވެސް ލިބޭނެ ގޮތް ހަދާފައި ނެތް ކަމަށެވެ. ނަމަވެސް މި ސަރުރާކުން ހިއްކި ސަރަހައްދުގައި ފެނާއި ނަރުދަމާގެ އިތުރުން ކަރަންޓު ލިބޭނެ ގޮތް ހަދައި އެތަނުގައި ހައުސިން ޔުނިޓްތައް ގާއިމުކުރާނެ ކަމަށް އެމަނިކުފާނު ވަނީ ވިދާޅުވެފައެވެ.