Read Time:2 Minute, 55 Second
(ފޮޓޯ ކްރެޑިޓްސް: އެމްއޭސީޢެލް)
ރ. ފައިނުގައި އެއާޕޯޓް އަޅަން އެމްޓީސީސީ އާއި މޯލްޑިވްސް އެއާޕޯޓްސް ކޮމްޕެނީ ލިމިޓެޑް ދެމެދު އެއްބަސްވުމެއްގައި މިއަދު ސޮއިކޮށްފިއެވެ. ފައިނުގައި އެއާޕޯޓު އެޅުމުގެ އެއްބަސްވުމުގައި އެމްޓީސީސީގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު އަހުމަދު ސައުދީއެވެ. އަދި އެމްއޭސީއެލްގެ ފަރާތުން އެއްބަސްވުމުގައި ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު އިބްރާހިމް ޝަރީފެވެ.
އެމްއޭސީއެލުން ވިދާޅުވީ ދަތުރުފަތުރުގެ ވަސީލަތްތައް އިތުރުކުރުމާއި ސަރަހައްދީ އަދި ގައުމުގެ އިގްތިސާދީ ކުރިއެރުވުމަށް ރައީސް ޑރ. މުހައްމަދު މުއިއްޒު ގެންގުޅުއްވާ ތަސައްވުރުގެ ދަށުން ފައިނުގައި އެއާޕޯޓު އެޅުމަށް އެމްޓީސީސީއާ އެކު ސޮއިކޮށްފައިވާ ކަމަށެވެ.
(ފޮޓޯ ކްރެޑިޓްސް: އެމްއޭސީއެލް)
ރ. އަތޮޅުގެ އުތުރުގައި މިވަގުތު އޮންނަނީ ރ. އިފުރު އެއާޕޯޓު އެކަންޏެވެ. ދެކުނުގައި ރ. އަލިފުށި އެއާޕޯޓު އެޅުމުގެ މަސައްކަތް ކުރާ އިރު، އެއީ ފައިނުއާ ބަލާއިރު، ފުދޭ ވަރަކަށް ދުރު ސަރަހައްދެކެވެ. އެހެންވެ، ފައިނު ހިމެނޭ ސަރަހައްދަށް އިންތިހާއަށް އެއާޕޯޓެއް ވަނީ ބޭނުންވެފައެވެ.
(ފޮޓޯ ކްރެޑިޓްސް: އެމްއޭސީއެލް)
ރައީސް ޑރ. މުއިއްޒު ފައިނުގައި ވިދާޅުވީ އެމަނިކުފާނު ރިޔާސީ އިންތިހާބުގެ ކެމްޕެއިންގައި ވައުދުވެވަޑައިގެންނެވި ގޮތަށް ފައިނުގައި އެއާޕޯޓެއް އަޅުއްވައި ދެއްވާނެ ކަމަށެވެ. އެގޮތުން ކޮންޓްރެކްޓް ކުރެވި، ވަރަށް އަވަހަށް އަމަލީ މަސައްކަތް ފެށިގެންދާނެ ކަމަށް ވެސް އެމަނިކުފާނު ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0