Read Time:3 Minute, 41 Second
ވޭތުވެ ދިޔަ 50 އަހަރު ތެރޭ ސިންގަޕޫރާއި ރާއްޖޭގެ ގުޅުން އެތައް ގުނައަކަށް އިތުރުވެ، ގުޅުން ވަރަށް ބޮޑަށް ބަދަހިވެފައިވާ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. ރާއްޖެއާއި ސިންގަޕޫރުގެ ދެމެދުގައި ރަސްމީ ސިޔާސީ ގުޅުން ގާއިމުކުރިތާ 50 އަހަރު ފުރުމާ ގުޅިގެން ރައީސް ވަނީ ތަހުނިޔާ ފޮނުއްވާފައެވެ. މި ތަހުނިޔާ ފޮނުއްވާފައިވަނީ ސިންގަޕޫރުގެ ރައީސް ތަރްމަން ޝަންމުގަރަޓްނަމްއަށާއި، އެ ޤައުމުގެ ބޮޑުވަޒީރު ލޮރެންސް ވޮންގްއަށާއި، ސިންގަޕޫރުގެ ސަރުކާރާއި ރައްޔިތުންނަށެވެ.
ރައީސް މުއިއްޒުގެ ތަހުނިޔާގައި ފާހަގަކުރެއްވި ގޮތުގައި ވޭތުވެދިޔަ 50 އަހަރުގެ ތެރޭގައި ދެ ގައުމުގެ ދެމެދުގައި ވިޔަފާރީގެ ގުޅުމާއި، ރައްޔިތުންގެ މެދުގައި އޮންނަ ގުޅުމާއި، ރަސްމީ ގުޅުންތައް އެތައް ގުނައެއް އިތުރުވެ، ދެ ގައުމުގެ ދެމެދު އޮތް ގުޅުން ވަނީ އިތުރަށް ބަދަހިވެފައެވެ.
“ވޭތުވެދިޔަ 50 އަހަރުގެ ތެރޭގައި، އަޅުގަނޑުމެންގެ ވިޔަފާރީގެ ގުޅުމާއި، ރައްޔިތުންގެ މެދުގައި އޮންނަ ގުޅުމާއި، ރަސްމީ ގުޅުންތައް އެތައް ގުނައެއް އިތުރުވެ، އަޅުގަނޑުމެންގެ ގައުމުތައް ގާތްވެގެން ހިނގައްޖެ. އަޅުގަނޑުގެ އިހްލާސްތެރި އުއްމީދަކީ، ކުރިއަށް އޮތްތަނުގައިވެސް، މި ބާރު ދެމެހެއްޓުމަށްޓަކައި، އަޅުގަނޑުމެންގެ އެއްބާރުލުން އިތުރަށް ބަދަހިވެގެންދިޔުން.”، ރައީސް ވިދާޅުވިއެވެ.
ދާދި ފަހުން އދ. ގެ އާންމު މަޖިލީހުގެ 79 ވަނަ ސެޝަންގެ ހަވާސާގައި ރައީސް މުޢިއްޒު ވަނީ ސިންގަޕޫރުގެ ޚާރިޖީ ވަޒީރު، ޑރ. ވިވިއަން ބާލާކްރިޝްނާންއާ ބައްދަލުކުރައްވާފައެވެ. މި ބައްދަލުވުމުގައި ރައީސް މުޢިއްޒު ވަނީ ރާއްޖެއިން އިތުރު އިންވެސްޓްމަންޓްތައް ހޯދުމަށާއި، ޑިޖިޓަލް ޚިދުމަތްތައް ފުޅާކުރުމަށާއި މޫސުމަށް އަންނަ ނޭދެވޭ ބަދަލުތަކުން ރައްކާތެރިވުމަށް ކުރަމުންދާ މަސައްކަތްތަކުގެ މަޢުލޫމާތު ހިއްސާކުރައްވާފައެވެ. އަދި ދެ ޤައުމަށް ހުރި ފުރުޞަތުތައް ދެނެގަނެ، އެކުގައި މަސައްކަތްކުރުމަށްވެސް އެދިވަޑައިގެންފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0