Read Time:2 Minute, 20 Second
ބޮލީވުޑްގައި ބޮޑު މަގުބޫލުކަމެއް މިހާރު ހޯދަމުން އަންނަ ވިކީ ކޯލަޝް އެންމެ ފަހުން ކުޅެފައިވާ “ޗާއްވާ” ފިލްމުގައި އޭނާގެ އެކްޓިންނަށް ބަތަލާ އާލިއާ ބަޓް ތައުރީފްކޮށްފިއެވެ. އިންޑިއާގެ ފިލްމީ ތަރިން ކަމަށްވާ ރަޝްމިކާ މަންދަނާ އާއި ވިކީ އެކުގައި ފެނިގެންދާ ފިލްމު ” ޗާއްވާ” ފިލްމު ނެރެފައިވަނީ މި މަހުގެ 14 ވަނަ ދުވަހުގައެވެ. އިންޑިއާގެ ނޫސްތަކުގައި ރިޕޯޓްކޮށްފައިވާ ގޮތުގައި އެ ފިލްމަށް ކްރިޓިކްސްގެ ފާޑު ކިޔުންތައް ލިބެމުން ދިޔަ ވިޔަސް ބެލުން ތެރިންގެ ބޮޑު މަގުބޫލުކަމެއް ފިލްމަަށް ދަނީ ލިބެމުންނެވެ.
އެގޮތުން އެ ފިލްމަށް މިހާތަނަށް 200 ކަރޯޑް ލިބިފައިވާ ކަމަށް ރިޕޯޓްކޮށްފައިވެއެވެ. މި ފިލްމާއި ގުޅޭގޮތުން ބަތަލާ އާލިއާ ވަނީ އޭނާގެ އިންސްޓަގްރާމް ސްޓޯރީގައި ޕޯސްޓެއް ކޮށްފައެވެ. އެ ޕޯސްޓުގައި އޭނާ ބުނެފައިވަނީ ވިކީގެ އެކްޓިން ވަރަށް ފުރިހަމަ ކަމަށެވެ. އަދި އޭނާއަށް އެ ފިލްމު ވަރަށް ކަމުދިޔަ ކަމަށްވެސް ބުނެފައި ވެއެވެ.
އެ ފިލްމުން ދައްކުވައިދެނީ ކުރީ ޒަމާނުގެ ރަސްކަލެއްގެ ވާހަކައެކެވެ. އެ ފިލްމުގައި ވިކީ ފެނިގެން ދަނީ ރަސްކަލެއްގެ ރޯލުންނެވެ. އަދި ރަޝްމިކާ ފެނިގެން ދަނީ އޭނާ ރާނީގެ ރޯލުންނެވެ. ފިލްމުން ބޮޑަށް ފެނިގެން ދަނީ ހަނގުރާމައިގެ މަންޒަރުތަކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0