Read Time:3 Minute, 6 Second
ހުޅުމާލެ ދެވަނަ ފިޔަވަހީ ގައި ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީން) އިން އިމާރާތްކުރި އިސްރަށްވެހިންގެ އިޖްތިމާއީ މަރުކަޒު، މިނިސްޓްރީ އޮފް ސޯޝަލް އެންޑް ފެމިލީ ޑިވެލޮމްޕަންޓާ ހަވާލުކޮށްފިއެވެ. އެޗްޑީސީން ވިދާޅުވީ “އިސްރަށްވެހިންގެ ނާދީ”ގެ ނަމުން ނަން ދީފައިވާ އެ އިމާރާތުގެ މަގްސަދަކީ އިސްރަށްވެހިންގެ ދިރިއުޅުމުގެ ފެންވަރު މަތިކޮށް، މިނިވަން އަދި އެކުވެރި މުޖްތަމައެއް ބިނާކުރުން ކަމަށެވެ. އެތަން މިއަދު ވަނީ ރަސްމީކޮށް އާއިލާތަކާ ބެހޭ ވުޒާރާއާ ހަވާލުކޮށްފައެވެ.
އެ މަރުކަޒަކީ އެޗްޑީސީގެ ސީއެސްއާރު ޕްރޮގްރާމް ދަށުން ތަރައްޤީކޮށްފައިވާ ތަނެކެވެ. އިސްރަށްވެހިންނަށް އަމާޒުކޮށްގެން ޤާއިމްކޮށްފައިވާ މި މަރުކަޒަކީ އިސްރަށްވެހިންގެ ޖިސްމާނީ، ނަފްސާނީ އަދި އިޖުތިމާޢީ ދުޅަހެޔޮކަން ކަށަވަރުކުރުމަށް އިންތިޒާމު ކުރެވިގެން ތަފާތު ޚިދުމަތްތަކެއް ފޯރުކޮށްދިނުމަށް ބިނާކޮށްފައިވާ ތަނެކެވެ. އެ ތަން މިނިސްޓްރީއާ ހަވާލުކުރުމުގެ އެއްބަސްވުމުގައި މިނިސްޓްރީގެ ފަރާތުން ސޮއި ކުރެއްވީ ސްޓޭޓް މިނިސްޓަރ އިބްރާހިމް އިސްމާއިލް އަލީ އެވެ. އިސްރަށްވެހިންގެ ހިތްހަމަޖެހުމާއި އެފަރާތްތަކަށް ބޭނުންވާ ކަންކަން ފުއްދަވައިދެއްވުމަކީ ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ވަރަށް ބޮޑު އިސްކަމެއް ދެއްވާ އެމަނިކުފާނުގެ މުޙިއްމު ސިޔާސަތެކެވެ.
އެގޮތުން އަތޮޅު ތެރެއަށް ވަޑައިގަންނަވާ ދަތުރުފުޅުތަކުގައި ރަށްރަށުގެ ރައްޔިތުންނާއެކު ބާއްވާ ބައްދަލުވުންތަކުގެ ކުރީ ސަފުގައިވެސް އިސްރަށްވެހިން ތިއްބަވާކަން ފާހަގަކުރެވެ އެވެ. ވަޒީރުންވެސް ތިއްބަވަނީ އިސްރަށްވެހިންގެ ފަހަތު ގޮނޑި ބަރީގައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0