Read Time:2 Minute, 29 Second
ކުރިއަށް އޮތް ރަމަޟާން މަހަށް ހާއްސަކޮށް ސައުދީ އަރަބިއްޔާގެ ސަރުކާރުން ރާއްޖެ އަށް ހަދިޔާކުރި 50 ޓަނުގެ ކަދުރު މިހާތަނަށް އައިއިރު، 102،712 ގެއަށް ދީފައިވާނެ ކަމަށް އިސްލާމިކް މިނިސްޓްރީން މިއަދު ވިދާޅުވެއްޖެއެވެ. މާލެ ސަރަޙައްދުގައި ކަދުރު ބެހުމުގެ މަސައްކަތް އިސްލާމިކް މިނިސްޓްރީގެ ފަރާތުން ފެށީ މިދިޔަ މަހުގެ 20 ވަނަ ދުވަހުއެވެ. އިސްލާމިކް މިނިސްޓްރީން ވިދާޅުވީ މާލެ، ވިލިމާލެ، ހުޅުމާލޭގެ 46،251 ގެއަކަށް 11،375 ޕެކެޓް ކަދުރު ދޫކޮށްފައިވާ ކަމަށެވެ. މާލެ ފިޔަވައި އެހެން ރަށްރަށަށް ބަހަން ކަނޑައެޅި ކަދުރު 56،461 ގެއަކަށް ދޫކޮށްފައިވާނެ ކަމަށް އިސްލާމިކް މިނިސްޓްރީން ވިދާޅުވިއެވެ. އެއީ 10،788 ޕެކެޓު ކަދުރެވެ. އިސްލާމިކް މިނިސްޓްރީން ވިދާޅުވީ މިހާތަނަށް ޖުމްލަ 22،163 ކަދުރު ޕެކެޓު ބަހާފައިވާ ކަމަށެވެ.
އިސްލާމިކް މިނިސްޓްރީން ވިދާޅުވީ މާލެ ސަރަހައްދަށް ބެހުމަށް ކަނޑައެޅި އަދަދު ހުސްވެފައިވީނަމަވެސް ރަށްރަށުގެ ކައުންސިލްތަކަށް ދޫކުރާ ކަދުރު ދޫކުރުން ކުރިއަށް ގެންދާ ގޮތަށް ހަމަޖެހިފައިވާ ކަމަށެވެ. މިހާތަނަށް ރާއްޖޭގެ އެކި ރަށްރަށުގެ ކައުންސިލްތަކުން ކަދުރު ގެންގޮސްފައިވާ ކަމަށް އިސްލާމިކް މިނިސްޓްރީން ވިދާޅުވިއެވެ. މިއީ ގިނަ އަހަރުތަކަކަށް ފަހު، ރަމަޟާން މަހުގެ ކުރިން ކަދުރު ބެހުމުގެ މަސައްކަތް ކުރިއަށް ގެންދިޔަ އަހަރެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0