މިދިޔަ އަހަރުގެ ޑިސެމްބަރު ނިމުނުއިރު ރިޒާވް 673 އަށް އިތުރުވެއްޖެ

Read Time:4 Minute, 13 Second

(ފޮޓޯ ކްރެޑިޓްސް: ވަގުތު)

މިދިޔަ އަހަރުގެ ޑިސެމްބަރު މަހުގެ ނިޔަލަށް ރާއްޖޭގެ ރަސްމީ ރިޒާވް އަދި ޔޫޒަބަލް ރިޒާވް ފާހަގަކޮށްލެވޭ މިންވަރަކަށް އިތުރުވެއްޖެ ކަމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގެ އެންމެ ފަހުގެ ތަފާސްހިސާބުތަކުން ދައްކައިފިއެވެ.

ރަސްމީ ރިޒާވްގެ މިންވަރު:
2024 ވަނަ އަހަރުގެ ޑިސެމްބަރު މަހުގެ ނިޔަލަށް ރަސްމީ ރިޒާވްގައި ހުރީ 673.2 މިލިއަން އެމެރިކާ ޑޮލަރެވެ. މިއީ ނޮވެމްބަރު މަހުގެ ނިޔަލަށް ހުރި 616.2 މިލިއަން ޑޮލަރާ އަޅާބަލާއިރު 57 މިލިއަން ޑޮލަރުގެ އިތުރުވުމެކެވެ. މި އިތުރުވުމަކީ އެއް މަސްދުވަހުގެ ތެރޭގައި 9.25 އިންސައްތައިގެ ކުރިއެރުމެކެވެ.

ޔޫޒަބަލް ރިޒާވްގެ މިންވަރު:
ޔޫޒަބަލް ރިޒާވްގެ ހިސާބުކުރާ ގޮތަށް ގެނެވުނު ބަދަލާ އެއްގޮތަށް، 2024 ގެ ޑިސެމްބަރު މަހުގެ ނިޔަލަށް ޔޫޒަބަލް ރިޒާވްގައި ހުރީ 63 މިލިއަން ޑޮލަރެވެ. މިއަދަދަކީ ރަސްމީ ރިޒާވްގައި ހުރި 673.2 މިލިއަން ޑޮލަރާޢި ފޮރިން ކަރެންސީ އެސެޓްސްގެ ގޮތުގައި ޑިސެމްބަރު މަހު ހުރި 148.6 މިލިއަން ޑޮލަރު އެއްކުރުމަށްފަހު ޕްރީ-ޑިޓާމައިންޑް ޝޯޓް-ޓާމް ނެޓް ޑްރެއިންސް އުނިކުރުމުން ލިބުނު އަދަދެކެވެ. މިއީ ނޮވެމްބަރު މަހުގެ ނިޔަލަށް ހުރި 45.8 މިލިއަން ޑޮލަރާ އަޅާބަލާއިރު 17.4 މިލިއަން ޑޮލަރުގެ އިތުރުވުމެކެވެ. މި އިތުރުވުމަކީ 38 އިންސައްތައިގެ ކުރިއެރުމެކެވެ.

ފޮރިން ކަރެންސީ އެސެޓްސްގެ ގޮތުގައި ޑިސެމްބަރު މަހުގެ ނިޔަލަށް 148.6 މިލިއަން ޑޮލަރު ހުރިކަން ފާހަގަކުރެވެއެވެ. އެމްއެމްއޭގެ ޖަނަވަރީ 2025 ގެ މަންތްލީ ސްޓެޓިސްޓިކްސް ރިޕޯޓުން ދައްކާ ގޮތުގައި، 2024 ވަނަ އަހަރުގެ ތެރޭގައި ރާއްޖޭގެ އިޤްތިޞާދީ ދުވެލި ވަނީ ރަނގަޅު ކުރިއެރުމެއް ހޯދާފައެވެ. އެގޮތުން ފަތުރުވެރިކަމުގެ ދާއިރާއިން ލިބުނު އާމްދަނީ އިތުރުވުމާއި، ބޭރު ފައިސާގެ ލިބުންތައް އިތުރުވުމަކކީ ރިޒާވް އިތުރުވުމަށް މަގުފަހިކުރި މައިގަނޑު ސަބަބުތަކުގެ ތެރޭގައި ހިމެނޭ ކަންކަމެވެ.

މި ތަފާސްހިސާބުތަކުން ދައްކާ ގޮތުގައި 2024 ވަނަ އަހަރުގެ ނިޔަލަށް ރާއްޖޭގެ އިޤްތިޞާދީ ހާލަތު ވަނީ ރަނގަޅު ދުވެއްޔެއްގައި ކުރިއަރަމުން ގޮސްފައެވެ. ނަމަވެސް، ދުނިޔޭގެ އިޤްތިޞާދަށް ކުރިމަތިވެފައިވާ ގޮންޖެހުންތަކަށް ރިޢާޔަތްކޮށް، ކުރިއަށް އޮތް ތަނުގައި މި ކުރިއެރުން ދެމެހެއްޓުމަށް ސަމާލުވުމަކީ މުހިންމު ކަމެކެވެ.