Read Time:3 Minute, 18 Second
(ފޮޓޯ ކްރެޑިޓްސް: ރައީސް އޮފީސް)
ކުރިއަށް އޮތްތަނުގައި ފަތުރުވެރިކަމާއި ތިމާވެށީގެ ދާއިރާއަކީ ރާއްޖެ ފަހުރުވެރިވާ ދާއިރާއަކަށް ހެދުމުގެ އަޒުމުގައި މަސައްކަތް ކުރައްވާނެ ކަމަށް ފަތުރުވެރިކަމާއި، ތިމާވެއްޓާއި ބެހޭ ވަޒީރު ތޯރިގް އިބްރާހިމް ވިދާޅުވެއްޖެއެވެ. ފަތުރުވެރިކަމުގެ ވުޒާރާ އާއި ތިމާވެއްޓާއި ބެހޭ ވަޒީރު އެއްކޮށްލައި އެ ވުޒާރާހެ ވަޒީރަކަށް ތޯރިގް އައްޔަން ކުރެއްވީ އިއްޔެއެވެ. އޭގެ ފަހުން ތޯރިގް ވިދާޅުވީ، ރާއްޖޭގެ ފަތުރުވެރިކަމުގެ ދާއިރާ އާއި ތިމާވެށީގެ ދާއިރާއިން މިހާރު ކުރެވެމުންދާ ކަންކަން މިހާރަށްވުރެ ރަނގަޅަށް، ރާއްޖޭގެ ފަތުރުވެރިކަމުގެ ދާއިރާއަކީ އެންމެން ފަހުރުވެރިވާ އެންމެންނަށް ފައިދާކޮށް، އެ ދާއިރާ ހަރުދަނާ ކޮށް މަސައްކަތްތަކެއް ކުރައްވާނެ ކަމަށެވެ.
“އެންވަޔަރެމެންޓް ދާއިރާ އާއި، ކުރިން އެ ވުޒާރާގައި ހުރި ސެކްޓާތައް ކުރިއަރުވާ، މި ދެ ދާއިރާއެއްކޮށް މަސައްކަތްކޮށްގެން، ވަރަށް މުހިންމު ކަންތައްތަކެއް ކުރެވިގެންދާނެ، އަދި އިރާދަކުރެވިއްޔާމުން، ކުރިއަށް އޮތްތަނުގައި ޓޫރިޒަމް، ސެކްޓާ އާއި އެންވަޔަރަމެންޓް ސެކްޓާއަކީ ރާއްޖެ ފަހުރުވެރިވާ ސެކްޓާއަކަށް ހެދުމުގެ އަޒުމުގައި އަޅުގަނޑު މަސައްކަތް ކުރާނަން،”. ވަޒީރު ވިދާޅުވިއެވެ. އެންވަޔަރަންމަންޓާއި ޓޫރިޒަމް މިނިސްޓްރީ އެއްކޮށްލައި، ޓޫރިޒަމް މިނިސްޓަރަކަށް ތޯރިގު މި އައްޔަން ކުރެއްވީ ކުރިން އެ މަގާމު ފުރުއްވި ރައްޔިތުންގެ މަޖިލިހުގެ ރައީސް އަބްދުއްރަހީމް އަބްދުﷲ ގެ ދަރިކަލުން އިބްރާހިމް ފައިސަލް މަގާމުން ވަކި ކުރައްވާފައި ވަނިކޮށެވެ. ފައިސަލް މަގާމުން ވަކިކުރި ސަބަބެއް ސަރުކާރުން ހާމައެއް ނުކުރެއެވެ.
އެންވަޔަރަންމަންޓާއި ޓޫރިޒަމް މިނިސްޓްރީ އެއްކޮށްލުމުން މި ސަރުކާރުގެ މިނިސްޓްރީތަކުގެ އަދަދަކީ 20 އެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0