Read Time:3 Minute, 8 Second
(ފޮޓޯ ކްރެޑިޓްސް: ދަ ކެނޭޑިއަން ޕްރެސް)
ރައީސް ޑޮނަލްޑް ޓްރަމްޕްގެ އައު ޓެރިފްތަކަށް ބަދަލުހިފުމުގެ ގޮތުން ކެނެޑާއިން މަޝްރޫބާތުން ފެށިގެން ގޭގެ ސާމާނާ ހަމައަށް އެމެރިކާގެ މުދަލަށް %25ގެ ޓެރިފް އަޅާނެކަމަށް ބޮޑުވަޒީރު ޖަސްޓިން ޓްރޫޑޯ ވަނީ ހޮނިހިރު ދުވަހު ވިދާޅުވެފައެވެ. އެމެރިކާގެ 155 ބިލިއަން ކެނޭޑިއަން ޑޮލަރު (107 ބިލިއަން އެމެރިކާ ޑޮލަރު) ގެ މުދަލަށް ޓެރިފް އަޅާ ވާހަކައެވެ. އޭގެ ތެރެއިން 30 ބިލިއަން ކެނޭޑިއަން ޑޮލަރުގެ މުދަލަށް އަޅާ ޓެރިފް ޢަމަލުކުރަން ފަށާނީ ޓްރަމްޕްގެ ޓެރިފްތައް ފަށާ ދުވަހު ކަމަށްވާ އަންގާރަ ދުވަހު ކަމަށާއި، ބާކީ 125 ބިލިއަން ކެނޭޑިއަން ޑޮލަރުގެ މުދަލަށް 21 ދުވަހުގެ ތެރޭގައި ޓެރިފް އަޅާނެ ކަމަށް އޭނާ ވިދާޅުވިއެވެ.
ޓްރޫޑޯގެ މި އިޢުލާން އައީ ޓްރަމްޕް ކެނެޑާ އަދި މެކްސިކޯގެ އިމްޕޯޓްތަކަށް %25ގެ ޓެރިފް އަދި ޗައިނާގެ މުދަލަށް %10ގެ ޓެރިފް އަޅަން އަމުރުކުރިތާ ގަޑިއިރުތަކެއްގެ ތެރޭގައެވެ. މިއީ އިޤްތިޞާދީ މާހިރުން ބުނާގޮތުގައި ދުނިޔޭގެ ކުރިއެރުން މަޑުޖެހި އަދި އަލުން އިންފްލޭޝަން އުފެދުމަށް މަގުފަހިވެދާނެ ވިޔަފާރީގެ ހަނގުރާމައަކަށް މަގުފަހިކުރުމެކެވެ. ޓްރޫޑޯ އިންޒާރުދެއްވީ ކުރިއަށް އޮތް ހަފްތާތައް ކެނޭޑިއަނުންނަށް އުނދަގޫވާނެ ކަމަށާއި ޓްރަމްޕްގެ ޓެރިފްތަކުން އެމެރިކާގެ ރައްޔިތުންނަށްވެސް ގެއްލުންވާނެ ކަމަށެވެ.
އެމެރިކާގެ ރައްޔިތުންނާ މުޚާޠަބުކުރައްވަމުން އޭނާ ވިދާޅުވީ: “އެ ޓެރިފްތަކުން ތިޔަބައިމީހުންނަށް އަގުތައް މައްޗަށް ދާނެއެވެ. އޭގެ ތެރޭގައި ފިހާރަތަކުން ގަންނަ ކާބޯތަކެއްޗާއި، ޕެޓްރޯލް ޕަންޕުން ގަންނަ ތެޔޮ ހިމެނެއެވެ. އަދި މުހިންމު މުދާތައް އަތްފޯރާފަށުގައި ލިބުމަށް ހުރަސްއަޅާނެއެވެ.”
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0