Read Time:2 Minute, 9 Second
(ފޮޓޯ ކްރެޑިޓްސް: ވަގުތު)
ހދ. ހިރިމަރަދޫގެ ރައްޔިތުން ހދ. ހަނިމާދޫއަށް ބަދަލުކުރަން ސަރުކާރުން ނިންމައިފިއެވެ. ރައީސް އޮފީހުގެ ތަރުޖަމާނު ހީނާ ވަލީދު މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ، ހދ. ހިރިމަރަދޫ ރައްޔިތުން އެދިވަޑައިގަތްގޮތަށް، އެރަށު ރައްޔިތުން ހދ. ހަނިމާދޫއަށް ބަދަލުކުރުމަށް ސަރުކާރުން ނިންމާފައިވާ ކަމަށެވެ. އަސާސީ ހިދުމަތްތައް ލިބުން ދަތިވެ ހިރިމަރަދޫ ކައުންސިލުން ރަށުގެ މީހުން ހިޖުރަކުރަން ބޭނުންވާ ކަމަށް ވިދާޅުވީ މީގެ މަސްތަކެއް ކުރިންނެވެ.
އެންމެ ފުރަތަމަ އެ ރަށުން އެދުނީ ކ. ތުލުސްދޫއަށް ބަދަލުވުމަށެވެ. ނަމަވެސް ފަހުން ހަނިމާދޫއަށް ބަދަލުވާން އެދުނެވެ. ހދ. ހިރިމަރަދޫ ނެރު ތިލަވުމުގެ ސަބަބުން މިހާރު ލަފާ ފުރެނީ ހަމައެކަނި ދިޔަވަރު ބޮޑުވުމުން ކަމަށް އެ ރަށު ކައުންސިލުން ވަނީ މީގެ ކުރިން ވިދާޅުވެފައެވެ.
އެކަމުގެ ސަބަބުން ރަށަށް މުދާ ގެންނަ އޮޑިފަހަރަށް ވެސް ކައިރި ނުކުރެވި ބޭރުގައި އޮންނަން ޖެހެއެވެ. އަދި ރަށުން ބޭސްފަރުވާއަށް ދާން ޖެހިއްޖެ ނަމަވެސް ދިޔަވަރު ބޮޑުވަންދެން މަޑުކުރަން ޖެހޭ ކަމަށް އެ ރަށު ކައުންސިލުން ވަނީ ވިދާޅުވެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0