Read Time:2 Minute, 19 Second
(ފޮޓޯ ކްރެޑިޓްސް: ވަގުތު)
އަމިއްލަ އެދުންތަކަށްވުރެ ގައުމީ މަސްލަހަތު އިސްކުރާނެ ޖީލެއް އުފައްދަން ޖެހޭ ކަމަށް މިނިސްޓްރީ އޮފް ސިޓީސް، ލޯކަލް ގަވަރމަންޓް އެންޑް ޕަބްލިކް ވަރކްސްގެ ވަޒީރު، އާދަމް ޝަރީފް އުމަރު ވިދާޅުވެއްޖެއެވެ. ޝަހީދުންގެ ދުވަހުގެ މުނާސަބަތުގައި އާދަމް ޝަރީފް އެކްސްގައި ކުރެއްވި ޕޯސްޓެއްގައި ވަނީ ޝަހީދުންގެ ދުވަހުގެ ތަހުނިޔާ އާއި ހެޔޮއެދުންތައް ރައްޔިތުންނަށް އަރިސްކުރައްވާފައެވެ. “ގައުމަށް ލިބިދާނެ ގެއްލުމަކަށްޓަކައި، އަމިއްލަ އެދުންތަކަށްވުރެ ގައުމީ މަސްލަހަތު އިސްކުރާނެ ޖީލެއް އުފައްދަން ޖެހޭ.”، މިނިސްޓަރު ވިދާޅުވިއެވެ.
މިނިސްޓަރު އާދަމް ޝަރީފް ވިދާޅުވީ އެފަދަ ޖީލެއް ބިނާ ކުރުމަށް ހަމަ ކޮންމެ މީހެއްގެ ބައިވެރިވުމާއި ހިއްސާ ނުހަނު ބޭނުންވާ ކަމަށެވެ. ޝަހީދުންގެ ދުވަސް ފާހަގަކުރަނީ ގައުމަށްޓަކައި ޝަހީދުވެ ގޮސްފައިވާ ގައުމީ އަބްޠާލުންގެ ހިދުމަތްތަކުގެ ހަނދާންކޮށް އެ އަބްޠާލުންގެ ޒިކުރާ އާލާކުރުމަށެވެ. މިދުވަސް ނިސްބަތްވެގެންވަނީ އިސްލާމްދީނާއި ގައުމުގެ ދިފާއުގައި ޕޯޗްގީޒުންނާ ހަނގުރާމަ ކުރައްވައި އަލީ ރަސްގެފާނު ޝަހީދުވެވަޑައިގެންނެވި ދުވަހަށެވެ. އެއީ ހިޖުރައިން 965 ވަނަ އަހަރުގެ ޝަޢުބާން މަހުގެ އެއް ވަނަ ދުވަހެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0