Read Time:5 Minute, 9 Second
(ފޮޓޯ ކްރެޑިޓްސް: ވަގުތު)
މިހާރު ދިރިއުޅޭ ރަށް ނޫން އެހެން ރަށަކަށް ހިޖުރަ ކުރުމާއި މެދު ރައްޔިތުން ދެކޭ ގޮތް ބަަލަން ސާވޭއެއް ކުރުމަށް ރައީސް ޑރ. މުހައްމަދު މުއިއްޒު އިރުޝާދު ދެއްވާފައިވާ ކަމަށް ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާ ބެހޭ ވަޒީރު އާދަމް ޝަރީފް އުމަރު ވިދާޅުވެއްޖެއެވެ. އެ ވުޒާރާގެ 5 އަހަރުގެ އެކްޝާން ޕްލޭން އިފްތިތާހުކުރުމުގެ ރަސްމިއްޔާތުގައި ވާހަަކަދައްކަވަމުން ވަޒީރު ވިދާޅުވީ، ރާއްޖޭގައި މިވަގުތު ހުރި ރަށްރަށުގެ ތެރެއިން އެރަށެއްގެ ރައްޔިތުން އެހެން ތަނަކަށް ހިޖުރަ ކުރުމާއި ދޭތެރޭގައި ވިސްނުންފުޅު ހުރިގޮތް ދެނެގަތުމުގެ ސާވޭއެއް ކުރިއަށް ގެންދަން ރައީސް ޑރ. މުއިއްޒު އިރުޝާދު ދެއްވާފައިވާ ކަމަށެވެ.
އަދި ރައީސް ހަވާލުކުރެއްވި އަނެއް މަސައްކަަތަކީ ހދ. ހިރިމަރަދޫގެ ރައްޔިތުން އެހެން ރަށަކަށް ބަދަލު ކުރުމުގެ މަސައްކަތް އެ ވުޒާރާއިން އިސްނަންގައިވެން ކުރިއަށް ގެންދިއުން ކަަމަށްވެސް ވަޒީރު ވިދާޅުވިއެވެ.
(ފޮޓޯ ކްރެޑިޓްސް: ވަގުތު)
“މިހިރީ އަޅުގަނޑުމެން ކުރަން ޖެހޭނެކަންކަން ކަން ދަނެގެން، އަޅުުގަނޑުމެން އެބަ ޖެހޭ މަސައްކަތްތައް ކުރިއަށް ގެންދަން އިތުރު ހިތްވަރާއި އެކީގައި މަސައްކަތް ކުރުން،” ވަޒީރު ވިދާޅުވިއެވެ. ވަޒީރު ވިދާޅުވީ، ސަރުކާރުން އެންމެ ބޮޑަށް ބޭނުންވަނީ މުޅި ރާއްޖެ ތަރައްގީ ކުރުމުގައި، ލާމަރުކަޒީ ނިޒާމް ހަރުދަނާ ކުރުމަށް ކުރެވޭ މަސައްކަތުގައި، މި ވުޒާރާއަކީ މުހިންމު ދައުރެއް އަދާ ކުރާ ބައެއް ކަމަށެވެ.
އަދި އެ ވުޒާރާއަކީ މުޅި ރާއްޖެއަށް މިއަދުވެސް، ފެތުރިފައިވާ ވަަރަށް ބޮޑު ވުޒާރާއެއް ކަމަށްވެސް ވަޒީރު ވިދާޅުވިއެވެ.
(ފޮޓޯ ކްރެޑިޓްސް: ވަގުތު)
“މިހާރުވެސް މިނިސްޓްރީގެ ޓީމެއް އަތޮޅުތަކުގައި ހަރަކަތްތެރިވަމުން އެބަދޭ، އަދި މިހާރުވެސް އަޅުގަނޑުމެންގެ ހުރި ޕަބްލިކް ވޯކްސްގެ ސައިޓްތަކުން ކުރަން ޖެހޭ ކޮންމެ މަސައްކަތެއް، އެއީ މިވަގުތު ކަަމަށް ވިޔަސް، އެކަމަކަށް ފަސް ޖެހުމެއް ނެތި ކުރަމުން ގެންދަވާ، އެހެންވީމަ އަޅުގަނޑުމެންގެ މިނިސްޓްރީއަކީ ހަގީގަތުގައިވެސް ވަރަށް ބޮޑު މިނިސްޓްރީއެއް،”. އޭނާ ވިދާޅުވިއެވެ. ވަޒީރު ވިދާޅުވީ، މިހާތަނށް ކުރެވުނު މަސައްކަތާއި އެކީގައި ރާއްޖޭގައި ކޮންމެ ރަށެއްގައި ހުރި ކައުންސިލްތަަކަކީވެސް މިއަދު އެ ވުޒާރާއާ އެކުގައި މަސައްކަތް ކުރާ ޓީމެއްގެ ގޮތުގައި މަސައްކަތް ކުރާ ބައެއް ކަމަށެވެ. އަދި އެއީ އެ ވުޒާރާއަށް ލިބުނު ވަރަށް ބޮޑު ކާމިޔާބީއެއް ކަމަށްވެސް ވަޒީރު ވިދާޅުވެފައި ވެއެވެ.
“ސަބަބަކީ އަތޮޅުތަކުގައި ކައުންސިލްތައް، ތަރުތީބު ކުރެވިފައިވާ ގޮތުންވެސް އާ ވުޒާރާއެއް އުފެދިގެންދާއިރު، ވަރަށް ރަނގަަޅަށް، މަސައްކަތް ކުރެވުނީމަ ހަގީގަތުގައި ކައުންސިލްތަކާއި އަޅުގަނޑުމެންނާއި މިހާ ރަނގަޅު ގުޅުމެއް ގާއިމް ކުރެވިފައި އޮތީ،”. ވަޒީރު ވިދާޅުވެފައި ވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0