Read Time:2 Minute, 34 Second
ހާރިޖީ ވަޒީރު ޑރ. އަބްދުﷲ ޚަލީލް ސައުދީ އަރަބިއްޔާގެ ރިޔާދުގައި ދިރިއުޅޭ ދިވެހި ދަރިވަރުންނާ ބައްދަލުކުރައްވައިފިއެވެ. ވަޒީރު އެކްސްގައި ކުރެއްވި ޕޯސްޓެއްގައި ވިދާޅުވެފައިވަނީ ރިޔާދުގައި ދިރިއުޅޭ ދަރިވަރުންނާ، ރިޔާދުގައި ދިރިއުޅޭ ދިވެހި ސިފައިންނާ އަދި ފަންނީ ބޭފުޅުންނާ ބައްދަލުކުރައްވައި ވާހަކަ ދައްކާލެވުމަކީ ލިބުނު އުފަލެއް ކަމުގައި ދެކިވަޑައިގަންނަވާ ކަަމަށެވެ.
ގައުމު ކުރިއެރުވުމަށް އެ ދަރިވަރުންގެ ހިއްސާ ވަރަށް ބޮޑުކަން ވަޒީރު ވަނީ ފާހަގަކުރައްވާފައެވެ. އަދި، ރާއްޖޭގެ ހަރުދަނާކަމާއި ކުރިއެރުމަށް ޓަކައި، އެ ފަރިވަރުންގެ ހިތްވަރާއި ސާބިތުކަން ފެނުމަކީ ލިބުނު ވަރަށް ބޮޑު އުފަލެއް ކަމުގައި ވަޒީރު ވަނީ ފާހަގަކުރައްވާފައެވެ. ސައުދީގައި ދިރިއުޅޭ ދިވެހީންނަށް އެބާރުލުން ދީ، އެ ފަރާތްތަކާ ގުޅުން ބަދަހިކުރުމަށް ކުރާ މަސައްކަތް އަބަދުވެސް ދެމި އޮނާނެ ކަމަށް ވަޒީރު ވަނީ ވިދާޅުވެފައެވެ. ވަޒީރުގެ މި ދަތުރުފުޅުގައި ސައުދީގެ ޚާރިޖީ ވަޒީރު ހިޒް ހައިނެސް ޕްރިންސް ފައިސަލް ބިން ފަރްހާން އަލް-ސައުދާއި، ސައުދީ ސަރުކާރުގެ އެހެނިހެން އިއްޒަތްތެރިންނާ ބައްދަލުކުރެއްވިއެވެ.
އެގޮތުން، ދެ ގައުމުގެ ދެމެދުގައި އޮތް ގުޅުން އިތުރަށް ބަދަހިކުރުމަށާއި، ގުޅުން ބަދަހިކުރެވޭނެ އާ މަގުތައް ހޯދުމަށް މަޝްވަރާކުރައްވާނެ ކަމަށް ވެސް ވަޒީރު ވަނީ ކުރިން ވިދާޅުވެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0